|
Darréu ye una organización
política asturiana de mocedá.
Defínese nacionaliega y
d'izquierdes y pretende ser l'organización política referente
del nacionalismu y l'independentismu asturianu d'izquierda na
estaya la mocedá.
Darréu gueta la forma d'atopar
el meyor camín na costruición d’un proyeutu que mos lleve ensin
renuncies a la reconocencia los drechos nacionales que-y
correspuenden a Asturies y de los drechos sociales que mos
correspuenden comu Pueblu Trabayaor. Ensin renuncies y ensin
atayos, poniendo tol esfuerciu en xenerar espacios propios,
texiu organizativu, en crear una bás social que sofite les
nueses tesis ideolóxiques y que mos acompangue na llucha
político diaria, na creación d’un movimientu ampliu de
resistencia, de compromisu nacionaliegu y d’esquierdes.
L'estimular a la mocedá
asturiano pa que s'organice, dinamize y participe na criación
d'un movimientu xuvenil que mire polos sos intereses,
pruyimientos y esmolecimientos como mocedá ye un oxetivu
prioritariu de Darréu.
Darréu ta vinculada
orgánicamente a la organización política Andecha Astur actuando
como la so estaya de mocedá y contribuyendo asina a l'ampliación
d'esi movimientu políticu. Pesia la so vinculación orgánica a
Andecha Astur caltien total independencia organizativa respeuto
a esta.
Darréu tien los sos propios
muergaos de alderique, participación y decisión y tien la so
propia ayalgueria.
Darréu ye una organización
horizontal y asamblearia na que puen participar toles mozes y
mozos que compartan los sos entamos minimos faciendose miembros
de la organización o collaborando como simpatizantes nes nueses
actividaes.
|
