TRES LOS PASOS DE LA CONTRARREFORMA LLABORAL MAS RECORTES DE DERECHOS.

El 20 de xunu de 2006 tuvo llugar en Xixón una importante manifestación convocada pola Plataforma escontra la Reforma Llaboral pa denunciar un nueu ataque escontra los derechos de los trabayadores, que supón ente otres coses un aumentu la precariedá llaboral, l’abaratamientu del despidu y en xeneral un retrocesu nes nuestres condiciones llaborales. Agora, pocos meses dempués,  dase una nuea vuelta de tuerca cola Reforma de la Seguridá Social.

UNA NUEA REFORMA EN LLÍNEA COLES ANTERIORES, RECORTANDO DRECHOS QUE PERXUDIQUEN GRAVEMENTE A LES TRABAYADORES Y LOS TRABAYADORES, COLA FIRMA DE LES CÚPULES SINDICALES D’UXT Y CC.OO., LA PATRONAL Y EL GOBIERNU DEL PSOE.

Los drechos que se vulneren son:

-Prívase del derechu al subsidiu por desempléu de mayores de 52 años por nun tener 15 años efectivos de cotización.

-Prívase del derechu a pensión de xubilación a un númberu cada vegada más importante de trabayadores por nun tener 15 años efectivos cotizaos.

-Prívase’l derechu de xubilación anticipada a los trabayadores menores de 52 años con coeficiente reductor.

- Prívase del derechu de pensión de vildedá a quienes enviuden y nun atropen nueos requisitos.

-En fonción de la edá y en determinaes profesiones, nun se pue solicitar una INCAPACIDÁ.

-Lléndase’l tiempu de baxa por enfermedá o accidente a 12 meses, pero puen date una prórroga ENSIN COBRAR. Si te dan l’alta y nun tas curáu pues quedar despidíu.

-Incentívase un sistema recaudatoriu y productivista (pa trabayadores), secuestrando tiempu de vida y pensión suficiente, al incentivar el retrasu na edá de xubilación. A los empresarios rebáxense-yos les cotizaciones.

-Debilítense los principios de repartu, solidaridá y suficiencia del nuestru sistema públicu de pensiones, al afondar na contributividá de tola vida llaboral y facilítase que la banca asuma cada vegada más esi 8,8% del PIB que suponen les nuestres pensiones públiques (60.000 millones d'euros). El mercáu priváu, sobre tol financieru, siempres consideró que’l bocáu de la Seguridá Social ye demasiao apetitosu como pa siguir siendo monopoliu de lo público.

-Poténciense los sistemes privaos de pensiones.

Una vez más trunfa la maxestá del capital sobre los seres humanos.

Los trabayadores debemos esixir, opinar y decidir. Ye imprescindible que reformes d’esti calter alderíquense nes asamblees nos centros de trabayu, pa obligar a les cúpules sindicales de CC.OO y UXT a rectificar la so política de pactos.

ASTURIES, PAYARES 2006

MANIFESTACIÓN: XUEVES, 14 D’AVIENTU, A LES 19:30H.

SALIDA PLAZA L’UMEDAL DE XIXÓN

CGT, CSI, SUATEA, SECTOR CRITICO-IZQUIERDA SINDICAL DE CC.OO. DE ASTURIAS, S.E, JCA, UJC, PCPE, CJC-CMC, FUSOA, DARRÉU, ANDECHA ASTUR, IAS-MIAS, EL MILITANTE, BA

DARREU llama a participar a la mocedá asturiana na maniestación convocada por Andecha Astur y vindicar na cai los derechos sociales y nacionales del Pueblu Asturianu.

El primer actu públicu de DARREU foi nel Día la Nación Asturiana de 2004 onde se presentó la organización. Dende aquello va 2 años el crecimientu de militancia, actividá y organización ye evidente y costatable. Llegando dos años y tres Díis de la Nación dempués con un proyeutu afitáu y en crecimiento constante. La valoración d’estos dos años ye perpositiva lo que fai que cada día más nos enfotemos en siguir costruyendoi un movimiento xuvenil asturianu fuerte y combativu.

Como nos anteriores años, DARREU participará nel actu políticu  que piesllará la movilización y entamaremos una ESPICHA POPULAR. Esti añu tamién fairemos l’actu de presentación del segundu númberu de la revista IRGUITE, el nuesu voceru nacional, que saldrá a la cai esi mesmu día y presentación de los actos de la xornada de conmemoración de la Revolución Asturiana de 1934 programaos por DARREU pal día 7 d’ochobre en La Felguera (Llangréu).

DARREU quier facer un llamamiento a la mocedá asturiano  a salir a la cai el día 8 setiembre pa denunciar la situación de pre-democracia que vivimos n’Asturies, onde se nos ñeguen drechos básicos como la oficialidá , l’autodetermín y onde sofrimos, sobremanera la mocedá, la emigración, explotación llaboral, temporalidá, paru, falta d’accesu a una vivienda…N’Asturies faise cada día más necesaria la movilización y la mocedá tien que ser protagonista y motor nesa necesaria movilización.

Ye hora de mirar por Asturies, ye hora de lluchar pola nuesa nación.

La campaña qu’ entamó a finales de mayu yá superó ampliamente la mitá del recorríu. Dos militantes de Darréu denunciaos por “daños”.

Va tres meses, dende DARREU entamábemos una campaña nacional pola oficialidá, na que nos comprometimos a facer polo menos 100 murales pola pela xeografía del país mentantenes durare’l procesu d’alderique del estatutu d’autonomía p’Asturies, que d’aquella paecía entamar. DARREU asoleyamos 90 díes después d’entamar que nesti tiempu ficimos más de 65 murales en 25 conceyos asturianos (Noreña, Sieru, Sariegu, Nava, Llangreu, Samartín, Llaviana, Sobrescobiu, Casu, Mieres, Riosa, Morcín, Carreño, Gozón, Corvera, Illas, Xixón, Piloña, Parres, Ribeseya, Cuaña, Villalón, El Franco, Castropol y A Veiga)  polo que consideramos que nun nos sedrá difícil algamar y superar la meta que nos punximos con esta campaña de “llargu plazu”, más cuando la reforma estatutaria ta paralizada.

Dende DARREU valoramos mui positivamente la repercusión que ta teniendo la campaña, cumpliendo los oxetivos d’esparder la reivindicación de la oficialidá pela xeografía del país y como una aportación de Darréu que aidará a que se visualice más peles cais y carreteres d'Asturies l'aclamación de la sociedá asturiana pola oficialidá de la so llingua.  DARREU comprometámonos a siguir enllenando Asturies de murales pola reconocencia de los nuesos drechos llingüísticos pa que s’acabe esta anormalidá democrática.

Pa finar queremos denunciar públicamente que dos militantes de DARREU nel Conceyu Llangréu fueron denunciaos énte la Fiscalia del Menor, por decisión  de l’ Alcaldesa de Llangréu (PSOE) -sigún informaciones de la propia Policial Llocal- baxo l’acusación de “daños” por facer un mural pola oficialidá nesti Conceyu. Dende DARREU persabemos qu’esta medía de l’alcaldesa del PSOE nun ye más qu’una aición represiva por motivaciones polítiques, y vese no descomanao de la so decisión y el que fuere ella la que lo ficiere por decisión personal.

Dende la mocedá nacionaliego d'izquierda nun podemos facer otra cosa qu'espresar la nuesa murnia pola desgraciada noticia cola qu'espertemos esta alborada de san xuán.  Dos componentes del grupu Felpeyu, Igor Medio y Carlos Redondo, dexaron esta mañana desgraciadamente la so vida na carretera. El restu los componentes del grupu que viaxaben na mesma furgoneta accidentada corrieron meyor suerte aunque dellos tienen feries. Ensin dubia la fería mas grave ye la murnia de saber que perdieron a dos grandes collacios.

Igor y Carlos dexenmos sabiendo, qu'igual qu'ellos siempres na primiera llinia de la llucha pola dignificación de la cultura asturiana y de la vindicación política del drechu los asturianos a la oficialidá de  la so llingua, detras vien una mocedá que continuará'l so trabayu y pa la que Felpeyu ye una referencia. Dende Darréu -mocedá nacionaliego- queremos treslladar a les sos families y a la so xente averao el nuesu sintir y la nuesa solidariedá y al restu componentes de Felpeyu una pronta meyoría y recorda-yos que la vida continua y que'l camín que Igor y Carlos entamaron entá sigue abiertu y yá naide sedrá a zarralu. 

DARREU ESCONTRA LA REFORMA LLABORAL

Estos díes atrás dende Darréu entamábemos a facer campaña escontra esta nueva reforma llaboral que consideramos un nuevu  pasu p’atrás nos derechos de los y les trabajadores. Con fin d’esparder la nuesa posición asoleyemos un cartelu escontra la reforma nel que denunciamos l’avances les Etts, el avaratamientu del despidu, la temporalidá, la emigración, la imposción nestos temes que sofrimos dende Madrid y baxo tres llemes fundamentales: Por un trabayu dignu nel nuesu país, Por un marcu Asturianu de relaciones llaborales, Por una Asturies Llibre y Socialista. Con too tamiénqueremos amosar la nuesa indinación con CCOO y UGT con una tira  na parte inferior del cartelu col llema “CCOO y UGT venden a los y les trabayadores”.

Con motivu de refugar esta reforma llaboral, xunta a la de la seguridá social, Darréu tamos dientro de les organizaciones convocantes de la manifestación que se cellebrará en Xixón esti martes 20 y pa la que facemos un llamamiento a la mocedá asturiano pa que se sume a la xornada reivindicativa na plaza l’Humedal de Xixón. La postura conxunta alcuéntrase afitada nel manifiestu  firmáu por toles organización convocantes d’esta manifestación.

         Entendemos qu’esta reforma llaboral alcordada ente la patronal española, el gobiernu español y los sindicatos españoles UGT y CCOO ye otra vuelta de tuerca pal afitamientu d’un sistema económicu cada vegada más lliberal y que nun fai más que demostrar l’alloñamientu de CCOO de la clas trabayadora, dalgo que ya nun nos sorprende na UGT.

         Entendemos que ye necesariu una xunidá sindical y política de clas pa lluchar escontra los ataques fechos al conxuntu de los y les trabayadores. Ye intolerable la esistencia d’una nueva llei bencedida polos sindicatos mayoritarios y que venga a afitar los intereses de les empreses perenriba de los intereses de quien-yos da razón de ser a CCOO y UGT, ye dicir, de los y les trabayadores.

         Por ello, dende Darréu facemos esti llamamientu a tola mocedá asturiano. Ye necesariu manifestase’l prósimu martes p’amosar una contundente rimpuesta a esti nuevu ataque hacia los nuesos intereses como clas. Amás, ye’l momento pa siguir dexisendo la creación d’un marcu de rellaciones llaborales propiu, onde seyamos los asturiano y les asturianes quien marquemos les nueses propies regles, por que somos nos los que braeramente conocemos la nuesa rialidá.

DARREU-XIXÓN EN SOFITU A LOS TRABAYAORES d'IZAR XIXÓN

Una vegada más somos conscientes d’un intentu de desmantelar Asturies, güei toca-y de nueu la hora de lluchar a los astilleros públicos IZAR.

A l’entrada del actual gobiernu español, el presidente prometió a los astilleros salvalos del crudo destín al que taben condenaos, y xunto cola SEPI y los “sindicatos” firmó un alcuerdu de venta conxunta de los cuatru astilleros IZAR qu’esisten anguañu nel estáu español.

Güei podemos ver como les pallabres del presidente’l gobiernu español fueron simples fules electoralistes, ya qu’agora los cuatru astilleros van vendese a empreses privaes de forma separada.

El futuru que-y toca a los astilleros de la nuesa ciudá ye’l que toos y toes sabemos que dende años vienen deparándo-y a les industries asturianes. L’astilleru xixonés sedrá vendíu a una empresa privada con mui pocu futuru, lo que provocará una vegada más la pérdida de milenta puestos de trabayu, y asina mientres unos saquen beneficios y medren les sos barrigues, a otros yos condenan al paru, a la emigración de los sos fíos y al final una Asturies desmantelada y ensin industria.

-          Dende Darréu denunciamos les mentires del gobiernu español, asina como la pasividá del gobiernu asturianu del P$OE ya IX, por dexar una vegada más que desapaeza l’industria d’Asturies, mientres mos vienden un futuru que lleva’l nome del turismu, que como toos y toes sabemos, vivir del turismu si que ye una “Lleenda Urbana”

-          Dende Darréu sofitamos la causa de los trabayaores d’IZAR Xixón a que sigan cola resistencia y a lluchar escontra esa rueda que nun para de condenar a families a la miseria, esa rueda qu’en nome del neolliberalismu mos condena a los asturianos al paru, a la precariedá y a la emigración.

-          Dende Darréu pidimos a la sociedá xixonesa ya asturiana que sofiten les movilizaciones de los trabayaores d’IZAR, n’especial a la mocedá ya qu'un despidu y una empresa pesllada más ye igual a más paru y emigración de la mocedá

-          Dende  Darréu amosamos tola nuesa  refuga a l’actitú de los sindicatos vendíos d'UXT ya CCOO, que cola fin de ganase unes perres firmando alcuerdos a la escontra de los trabayaores, son capaces de facer intentos de desmovilización de les protestes.

-          Darréu, como organización de mocedá, denuncia que por esta o situaciones similares ten finando cola mayoría de la industria asturiana, dexándonos a la mocedá, un únicu camín de salida, la emigración forciada, que pesie a la negación de quienes causen estos fechos, toos y toes podemos comprobar comu cada añu colan milenta asturianos y asturianes del nuesu país.

Darréu-Xixón mocedá nacionaliego, fai un llamamientu de solidaridá colos astilleros IZAR-Xixón, a siguir cola so llucha, resitiendo a la desparición de la industria asturiana y a tolo qu’ello conlleva y tamién refugamos les polítiques que permiten esta situación.

 Por eso amosamos tol nuesu sofitu a la llucha de los trabayaores d’IZAR pola defensa de los sos puestos de trabayu, el de los sos fíos, y el de les demás xeneraciones que nun quieran vivir nesti desiertu industrial al que mos condenen.

 FUTURU PA IZAR!!  PUXA LA LLUCHA OBRERA!!
PUXA ASTURIES LLIBRE Y SOCIALISTA!!

¡NON A LA NUEVA REFORMA LLABORAL!
 ¡NON A LA REFORMA DE LA SEGURIDÁL

! MÁS BENEFICIOS PAL EMPRESARIÁU Y MÁS PRECARIEDÁ  PA LES Y LOS TRABAYADORES

Depués de cerca dos años de negociaciones cuasi secretes ente’l gobiernu, la patronal y les direcciones sindicales de CCOO y UGT, algamóse’l “Alcuerdu pa la meyora del crecimientu y del emplegu”. Énte lo que mos quieren facer creyer, esta nueva contrarreforma ye otru pasu atrás, qu’afonda nos aspeutos más negativos de les anteriores reformes llaborales y que tampoco nun va menguar el paru y la precariedá. Eso sí, cueye una parte importante de les reivindicaciones patronales y ye un nuevu exemplu del fracasu de la estratexa sindical desendolcada nestos años, que tien a la negociación y al pactu como una fin en sí mesma, independientemente de los resultaos consiguíos. Esta reforma ye un nuevu ataque a les nueses condiciones de vida porque:

1. Nun va menguar la precariedá llaboral. D’un llau, porque van siguir vixentes tol enguedeyu de contratos temporales a la carta.

2. Abarata’l despidu. Ye la midida central d’esta reforma, al traviés de la recuperación y estensión del contratu fixu con despidu baratu (33 díes per añu y un tope de 24 mensualidaes, en cuentes de los 45 díes y 42 mensualidaes del contratu indefiníu ordinariu). La esperiencia demuestra qu’esti contratu, nun lo utiliza la patronal pa convertir en fixos los contratos temporales, sinón que ta sustituyendo a los contratos estables d’anguaño y va quedar como modelu únicu nel futuru. Esta midida yá s’aplicare cola reforma de 1997 y cásique una década depués siguimos teniendo la precariedá más alta d’Europa (un 34% al llau d’un 14%). Tamién espoxiga’l númberu de supuestos nos que’l Fogasa va encargase de les indemnizaciones en vez de les empreses.

3. Tresvasa recursos económicos descomanaos a la patronal. Per dos víes: les bonificaciones y la mengua de cotizaciones. Asina, dende 1998 les bonificaciones en cuotes a la Seguridá Social supunxéron-yos a les empreses 17.453 millones d’euros (¡cuasi trés billones de les pesetes antigües!). Agora la patronal va recibir con esta reforma la xabaz cantidá de 4210 millones d’euros. ¿Cuánto más vas recibir tu na nómina que vien? Ye tan escandalosu’l sistema de regalu de dineru público a la patronal que n’abondos supuestos de contratación van sali-yos de baldre les indemnizaciones por despidu. La mengua de cuotes al desemplegu (0,5%), al Fogasa (0,2%) y a les ETT (1%) son perres que bien pudieron invertise n’ameyorar les prestaciones de les y los trabayadores ¿Cuánto van tardar en recortar inda más la to cobertoria si quedes en paru?

4. Nun va amenorgar la rotación nel emplegu. La contratación temporal abusiva y fraudulenta que carecemos nun va iguar con esta reforma:

• Nun va afeutar a los actuales 5 millones de contratos temporales, nin tampoco a los contratos formativos de relevu ya interinidá.
• El tope de dos años que puedes tar contratada o contratáu temporalmente durante 30 meses (d’ehí p’alantre sedríes yá fixa/u) ye mui fácil de burllar pol empresariáu que namás tien que nun t’anovar xusto primero del plazu, cambiándote d’empresa dientro del mesmu grupu o de puestu trabayu na mesma empresa. Y si tovía asina nun-yos queda otro que facete fixa/u, vas selo con un despidu más baratu.

5. Sigue allongándose y favoreciéndose la contratación per aciu les ETT´s. Porque enancha’l so ámbitu d’actuación a sectores onde hasta agora taben escluyíes y rebaxen les sos cotizaciones al desemplegu.

La Reforma de la Seguridá Social, más recortes de derechos 

            La nueva Reforma, que van tentar d’aprobar en breve,  sostiénse na mesma retórica de les anteriores: la viabilidá del nuesu sistema de Seguridá Social. Pero al cau, la solución como siempre ye la d’incrementar los beneficios empresariales y recortar les nueses prestaciones. Ente les midíes más dañibles pa los nuesos intereses tán:

1.      Aumentu del númberu d’años pal cálculu de la pensión que van pasar a ser 15, lo que conlleva’l retrasu de la edá de xubilación y que la prestación final mengüe. El so oxetivu ye condenar a les y los trabayadores a soscribir fondos de pensiones, que son otra forma d’esviar dineru de quien trabaya pa favorecer los negocios privaos nel mercáu financieru.

2.      Endurecimientu de les condiciones d’accesu a la xubilación anticipada (retrasu a los 61 años) y reforma de los coeficientes reductores, too ello empobinao a forzar l’allargamientu de la vida llaboral.

Estos alcuerdos lleguen amás nun contestu onde los xornales reales siguen menguando, la xornada llaboral ye cada vuelta mayor, la degradación de los derechos llaborales y sindicales crez y la mocedá ve como’l so futuru llaboral ye cada vuelta más murniu. N’Asturies, pola crisis económica y social na que s’alcuentra, (y na que los socesivos gobiernos asturianos nun fueron a exercer la so responsabilidá de tornar esta situación, faciéndose cómplices de lo aprobao nel conxuntu l’estáu), midíes d’esti tipu condenen a la nuesa mocedá a la emigración.

Lo más escandaloso ye qu’una reforma asina roblárase al llombu dafechu de les y los trabayadores, y ensin emplegar la movilización y la presión pa obligar al empresariáu y al gobiernu a ceder nos aspectos fundamentales. Los acontecimientos recientes señalen que ye posible frenar los ataques. L’últimu exemplu foi Francia, onde fueron a, con una postura fita, y basándose en movilizaciones de mases, facer recular al gobiernu de la derecha. Nel estáu español, fuere la Fuelga Xeneral del 20-X y non les negociaciones, lo que fixera al gobiernu retirar parcialmente’l “decretazu” de 2002.

Amás, nun podemos escaecer que la llegada del PSOE al gobiernu xeneró unes esperances de cambiu ente les y los más de trabayadores. Nun derrotemos a la derecha pa que’l gobiernu siga aplicando una política económica en beneficiu del empresariáu. Tamos convencíes/os que la mayoría de les y los trabayadores, diben tar en desalcuerdu con estes contrarreformes, si se-yos diera la oportunidá d’opinar. Ye imprescindible qu’esto se debata n’asamblea nos distintos centros de trabayu pa obligar a les cúpules de CCOO y UGT a rectificar.

Queremos afalar a que toles persones que refuguen esta política sindical independientemente de la so afiliación (comités d’empresa, seiciones sindicales y trabayadores en xeneral) participen na plataforma unitaria que se formó y facemos un llamáu a sofitar les movilizaciones contra esta Reforma Llaboral

¡POLA UNIDÁ DE LES Y LOS TRABAYADORES!

¡POR UN SINDICALISMU COMBATIVU Y DEMOCRÁTICU!

MANIFESTACIÓN: Martes, 20 de xunu, a les 20:00. Salida de la Plaza l’Humedal, Xixón

CGT – CSI – SUATEA – SECTOR CRÍTICO/IZQUIERDA SINDICAL DE CCOO DE ASTURIAS. SINDICATO DE ESTUDIANTES – JCA – PCPE – CJC/CMC – UJCE – ANDECHA ASTUR – MIAS – IAS – EL MILITANTE – FUSOA – DARRÉU- BA

DARRÉU POR UNA UVIÉU Y UNA ASTURIES ANTITAURINA

Con motivu la feria l’Ascensión nel Conceyu d’Uviéu, y más concretamente de la “cellebración” de la mesma pal sábadu 27 de mayu con una corrida de toros, dende Darréu –Uviéu- queremos amuesar el nuesu rechazu a tala actividá nel nuesu Conceyu, pues consideramos les corrides taurines comu ún actu xabaz que va escontra los entamos morales de la nuesa sociedá.

Denunciamos que la tauromaquia ye una matanza d’animales d’ámbetu públicu sofitada n’esclusiva nel País polos partíos españoles y españolistes, gobernantes de los conceyos y Gobiernu asturianos. Nun somos quién a altender cómu el nuesu Ayuntamientu pue consentir que puedan entamase tales acontecimientos cuando son, ensin dubia dala, actos col únicu finxu de causa-yos sufrimientos a seres vivos a bás del ensañamientu personal y colleutivu, promovedores de la violencia escontra los animales y d’ámbetu púramente incivilizáu y, pesie a la tradición que-y puea acompañar en delles llendes del Estáu –ben allonxáes de les nueses-, nun por ello son más xustificables.

Consideramos, por añadíu, un preséu ñidiu por parte los partíos españoles d’españolizar Asturies nel ámbetu cultural, minorizando los aspeutos autóctonos del País no que cinca al ámbetu cultural, hestóricu y llingüísticu, en pro d’actividáes tan estremáes, minoritaries ya foriates comu la propia tauromaquia entre otres, suponiendu ún gastu escesivu dende cualaquier puntu de vista, coles suvenciones, sofitos, merca d’entráes, yaeso que supón, invirtiendo fondos públicos n’una práutica que supón el sofitu y alentamientu de la violencia ya’l comportamientu incivilizáu escontra los animales.

Dientru del aspeutu económicu, coye resaltar que dientro los conceyos “taurinos”, comu Uviéu y Xixón, la práutica de la tauromaquia supón anualmente ún desembolsu ablucante cola suma de gastos comu puen ser el caltenimientu de les places de toros, l’orniatu y enguapamientu la plaza pa les dómines correspondientes, pagu pola apaición del llogotipu l’Ayuntamiento nos cartelos, dimposición de la Banda Municipal de Música y l’intentu, inútil añu tres añu, d’enllenar les places cola merca d’ún númberu desaxeráu d’entráes superior al necesariu, comu denunciaba’l PSOE al diariu EL COMERCIO en mayu’l 2001 cola merca de 5.000 entráes de les 9.000 a la venta per parte l’Ayuntamientu d’Uviéu (anque la soúnica preocupación yera que con elles se mercaben voluntaes), superando, pa enriba, notoriamente el escandalosu 50% obligáu pol contratu contrayíu cola empresa taurina.

Aínda tres estos datos, más grave pue considerase l’aspeutu de la representación y responsabilidá de los miembros de los ayuntamientos y gobiernos, pues asistien a tales eventos ya intervinienen n’ellos, sofitándolos ya instando a les fuercies de xuridá a dir escontra los colleutivos y ciudadanos qu’añu tres añu protesten llibre y pacíficamente escontra la cellebración de tales xabacidáes.
No que cinca a los medios de comunicación asturianos, la so postura vien siendo pocu menos que vergoñosa, dándo-y puxu a tales “festexos” mediante la creación de tertulies y anunciando a bombu y platillu de lu qu’acontez dientru y fora la Plaza, posicionandu con ellu n’ún escalón superior a tales actividáes frente a les que se-yos debería de dar auténticu puxu endientru la nuesa sociedá peru que siempres atópense fonderamente escaecíos, les de nueso.

Vista la mayoritaria refuga a tales “festexos” na sociedá asturiano –reflexáu na asistencia que añu tres añu tienen tales actividáes-, y acompañándolu de los argumentos enantes mentáos, consideramos inalmisible que’l Ayuntamientu d’Uviéu patrocine y sofite corríes de toros baxu cualaquier condición. Poro, desixímos-y al Executivu que dexe de lláu esos actos xabaces, que declare Uviéu comu ciudá y conceyu antitaurinos y que detenga cualaquier “festexu” d’ámbetu taurinu d’agora n’adelante, y, ante la situación na qu’atópase’l nuesu Conceyu, llamamos a la ciudadanía a salir  a la cai el domingu 28 sofitando la concentración d’ANADEL a les 18.00h énte la Plaza toros de Buenavista.

DARRÉU PIDE-Y A ARECES QUE PIDA PERDÓN A LA MOCEDÁ ASTURIANO TRES NUEVES DECLARACIONES SOBRE EMIGRACIÓN Énte les caberes declaraciones del Presidente del Principáu d’Asturies nuna entrevista nel diariu LA NUEVA ESPAÑA a domingu 7 de mayu de 2006, nes que’l dirixente afirmaba por segunda vegada que la emigración anual de 18.600 universitarios asturianos fora les llendes asturianes yera una “Lleenda Urbana”, Darréu –Mocedá Nacionaliego- quier amosar la so fondera refuga a tales declaraciones y espresar el so total descontentu cola persistencia qu’esti Gobiernu tien d’engañar a la sociedá asturiano.

Dende DARRÉU –MOCEDÁ NACIONALIEGO- consideramos estes declaraciones ún insultu a la mocedá asturiano, que escontra la so voluntá vese forciada a colar de la so tierra a la gueta d’ún trabayu dignu y con perspeutives de futuru. Tanto los mozos residentes n’Asturies como los ya emigráos merecen ún respetu por parte’l so Gobiernu, que ye el responsable direutu de les condiciones qu’anguañu tan sumiendo a Asturies na miseria y vaciándola del únicu motor que podrá sacala a flote, la mocedá, nun creando empléu estable nin condiciones que faciliten el so desendolcu nel mundiu llaboral o la so emancipación.

Poro, y ante tales declaraciones, Darréu -Mocedá Nacionaliego- desixe-y al Presidente del Principáu d’Asturies que reutifique les sos declaraciones nel intervalo de tiempu más curtiu posible, que pida perdón a la mocedá asturiano residente tantu dientru comu fora d’Asturies, pola falta de respetu amosada haza la so rialidá social, y, debio a la persistencia d’esta actitú, desiximos la so dimisión darréu del cargu de Presidente del Principáu d’Asturies.

DARREU- mocedá nacionaliego-  nel Conceyu de Llangréu vien de facer una campaña escontra’l flamenquismu y en defensa de la cultura asturiana, esta fin de selmana pasada y coincidiendo cola cellebración de la Feria d’Abril de Llangréu entamada pola asociación La Paloma col sofitu del Conceyu Llangréu y d'Iberdrola, cola pegada d' abondos cartelos y escolingando una pancarta na entrada la Feria. La campaña faise yá que dende Darréu- Llangréu pescanciase qu’esta actividá nun tien como finxu la meyora del conocimientu de la cultura d’esti país, que como toes respetamos fonderamente, nin una xornada intercultural pa conocese dos comunidaes, sinón un actu flamenquista esteriotipáu qu'ufre una imaxe deforme de la propia cultura andaluza y que vien siendo utilizada como uniformizador cultural d’un estáu ensin cultura propio, l’español.

Esto,( que’l nuesu ayuntamiento se dedique a organizar Feries d’Abril al estilu de la sevillana) , nuna situación onde la nuesa cultura nun cuenta col sofitu mínimu pa resistir un par de xeneraciones (como muncho) y cola nuesa llingua en grave pelligru d’estinción ye cuanto menos una tomadura de pelo. Esiximos una política cultural sería dirixida principalmente a salvar la cultura asturiana del desaniciu. Con too y con ello faise necesaria una breve desplicación de lo que ye’l flamenquismu.

El Flamenquismu como el propiu J. Blas Vega recueye nel  Diccionario enciclopedico ilustrado del flamenco  tien la aceición de “procesu de deformación de lo flamenco faza formes d’espresión más faciles y comerciales, ya igualmente falsu conceutu de lo flamenco”. La razón principal de que’l modelu cultural que supón el flamencu tea presente per tol Estáu ye’l flamenquismu, pescanciáu como una motivación político o una política.

L’Estáu español desendolca una práutica, yá secular, que consiste na utilización y manipulación política de ciertos componentes de la mui respetable cultura del Pueblu Andaluz y d’otros ellementos que quicias nin tan siquier incluyíos ente los sos nicios identitarios. Esi emplegu políticu supón básicamente llantar modelos y practiques culturales andaluces n’otros pueblos sometíos al so imperiu. L’enfotu: la uniformización cultural acordies col patrón qu’elli determina como más español y poro el desaniciu d’otres cultures nacionales.

Persabemos que’l flamencu, lo flamenco… ye un componente de la cultura del Pueblu Andaluz y respetamos dafechu la so cultura  en toles sos espresiones. Poro, cuando falamos de flamenquismu nun se trata de dengún componente de la cultura andaluza, sinón de la política consistente n’utilizar, manipular ya deformar practiques culturales d’esti país, del sur de la peninsula, col finxu de desaniciar otres.

El flamenquismu aportó a Asturies bastante enantes de la segunda metada del s. XX, antes del Franquismu - qu’afondó nesta política tovía vixente angüaño - (namás hai que ver TVE), ya incluso en 1913 costituyóse n’Asturies una Asociación Antiflamenquista (Jorge Uría: 1996).

Xunta’l flamenquismu esiste’l terminu nacional-flamenquismu arreyáu a la práutica ultraflamenquista desendolcada demientres la dictadura facista de Franco. Sicasí ye costatable que siempres foi el nacionalismu español el que lleva al Estáu y otras alministraciones a llantar polítiques flamenquistes polo que podría ser válido falar d'esti conceutu independientemente de la domina de la que se fale.

Cualesquier amuesa de cultura popular, independientemente del so orixe xeográficu y nacional, mereznos el másimu respetu y considernaza porque ye’l padrimoniu d’un pueblu. Sicasí nun hai que daxase tracamundiar el conceutu de cultura popular colos estereotipos folcloristes. Asturies mesmamente sofrió enforma esti tracamundiu (vease’l llabor nel franquismu de Coros y Danzas de la Sección Femenina). Nesi sen, tan ehí tamién les rocees d’andaluces que denuncien que’l modelu de cultura popular andaluza qu’ufierta la política flamenquista española fuera d’Andalucia y nella, nun correspuende cola cultura popular del Pueblu Andaluz atopando estereotipos pasaos por un flitru derechizáu, aseñoritáu, comercial y folclorista na pior acepción del terminu.

Cuando tenemos unes alministraciones (controlaes por partíos españolistes) que protagonicen una política de desaniciu de la identidá cultural, nacional y llingüística del nuesu pueblu, cuando estes alministraciones nun sofiten o incluso combaten les iniciatives p’afitar la nuesa identidá y les perres dedicaes por estes a la conservación de la nuesa cultura, en grave procesu de desaniciu, ye normal que se-yos desixa que nun afonden la situación dedicándose a organizar actos comerciales y a afalar cuestiones ayenes que pa enriba son un estereotipu comercial flamenquista de lo que ye la cultura popular d’otru país. El Pueblu Andaluz ye la primer victima d’esa política españolista que s’apropió, manipulándolos, de los sos nicios identitarios, ye por ello que sectores d’izquierda nacionaliega andaluza lluchen a la escontra d’esta política qu’incluso se-yos aplica, na mesma Andalucia, pa disolver la so propia cultura. Mesmamente na entrevista que espublicemos n’ÍRGUITE (el nuesu voceru nacional) tratabemos el tema con Juan Antonio González responsable de la estaya d'internacional de Jaleo!!! qu’afondaba nes causes de la utilización de lo andaluz deformao dafechu pa homoxeneizar l’estáu “Ye ablucante qu’una colonia conviértase (la conviertan) en colonialista” camentabanos.

La organización xuvenil nacionaliega y d’izquierdes DARRÉU, arreyada a Andecha Astur, pidi tres la reapertura de la Oficina de Promoción Llingüística d’Avilés el desendolque d’un plan pa la promoción y normalización de la Llingua Asturiana ente los y les xóvenes del conceyu.

La reactivación de la Oficina de Promoción Llingüística d’Avilés, llamada oficialmente “Ellicta” (Estaya de Llingua y de Cultura Tradicional Asturiana), tien que tener como ún de los sos oxetivos principales la divulgación del nuesu idioma ente la mocedá avilesina. Atalantamos que tien que facese un proyeutu ampliu nel que la promoción del asturianu se garantice en tolos ámbitos onde la mocedá s’alcuentre. Dende los istitutos, fasta en biblioteques y centros culturales, nel mundu deportivu llocal, nes zones d’ociu y en tolos demás ámbitos nos cuálos trabaye'l Plan de la Juventud de Avilés.

Dende Darréu, entendemos que la creación d’estes Oficines de Promoción Llingüístiques no son más qu’una mera cesión que’l PSOE-y concede a IU pa qu’esta organización se xustifique énte cierta parte del electoráu de so. Tamos convencíos de qu’estes oficines nun tienen más oxetivu que’l de dar un pasu en falsu que pretende despistar a tol movimientu de vindicación llingüística.

Por esta razón, l’agrupación de DARRÉU d’Avilés nun ta d’alcuerdu cola esistencia de dicha oficina, por insuficiente y por que nun vienen a colmar nenguna esperanza nin a solucionar nenguna de les esixencies hestóriques del movimientu de vindicación llingüística. Aún asina, esixiremos que dicha oficina faiga’l so trabayu con eficiencia y con resultaos, reclamando unos oxetivos ambiciosos y claros.

Les/os integrantes del Conceyu de Darréu en Ribeseya, queremos espresar la nuesa indignación pol desinterés y pasotismu del que faen gala dende la Casa Conceyu una y otra vegada faza la mocedá en xeneral.

Dende fai bien d’años nun esiste un programa nin marcu d’actuación a la hora d’ufiertar, bien seya alternatives d’ociu o cualquier iniciativa cultural o de formación enfotada na xente mozo. Esto plásmase na clara y única llínia d’actuación del equipu gobiernu, nun facer na. Poro, Darréu asoleya esti comunicáu pol cualu queremos que se sienta cual ye’l pensamientu de tola mocedá d’ún pueblu. Mocedá que ve como se llenden toles posibilidaes d’alministrar llibremente el so tiempu. Ye esmolecedor que a la hora de decidir que facer cualquier tarde o les nueches dela fin de selmana un importante y cada vegada mayor númberu de moces y mozos, decida colar del pueblu yendo a otros conceyos vecinos a divertise o participar n’otres xeres, col riesgu que esto entraña pa la so propia integridá física.

Dende Darréu creyemos necesario que por fín la mocedá podamos decidir que facer, decidir lo que queremos ver, lleer y sintir; lo que queremos pensar. Decidir lo que nos presta y lo que nón, pero decidilo nosotros, nón que otros decidan por nós.

Darréu propón la puesta en marcha d’iniciatives realistes, con ufiertes atractives y que signifiquen una autentica alternativa’l ociu teledirixíu ya interesáu que dende l’alcaldía se vien programando. Estes ufiertes si de verdá quieren algamar l’ésitu, han de tar a la fuercia escoyíes pola propia mocedá. El gobiernu llocal, tien que poner por ello a dimposición de les moces y mozos riuseyanos medios efeutivos que nos permitan organizanos y que seyamos nosotros, dientro d’un espaciu autoxestionáu y sofitáu pol propiu ayuntamientu, quienes llevemos a cabu les nueses propies iniciatives. Desiximos un programa d’ociu seriu ya inmediatu, que los talleres y competiciones qu’ufierte ten escoyíos pola mocedá y que cunte colos pegollos económicos necesarios pa que tea bien fechu y nun convertilo n’otra chapuza más.

De la mesma mena, facemos un llamamientu a la atención del Sr.Miranda, pa que s’afiten dende la Casa Conceyu opciones culturales diferentes a les de los grandes medios de (des)información. Ye persabíu, que la mocedá na so formación presonal ya intelectual tien de tener accesu a espacios culturales alternativos. Poro, Darréu desixe que s’introduzan na Casa la Cultura proyeuciones de cine de calter social, independiente, ya eso. Un sofitu decidíu y de toles formes posibles a la multitú de grupos músicales, de caruter non comercial esistentes en Ribeseya, creación d’un circuitu de teatru, ya eso y prestando en toos estos cenciellos exemplos un especial enfotu protector faza la cultura en xeneral y especialmente, na cultura y la  Llingua Asturiana.    11/02/06.

DARREU- XIXÓN FAI CAMPAÑA NEL CONCEYU POLA ESCOLARIZACIÓN N'ASTURIANU

 NON AL PIESLLE DE MENASA
NON A LA DESINDUSTRIALIZACIÓN

Angüañu podemos ver nes villes de la cuenca un problema que mos esmolez a toos; un problema que nun solo ta na cuenca sinon que ta xorreciendo nos diferentes coceyos del Pais Asturianu; nun ye solo un problema de Menasa, sinon un problema que mos TOCA a tolos asturianos Y ASTURIANES; y sobro too, a la clas trabayaora asturiana. La desindustralización y el paru qu´ello conlleva ye´l nuesu problema.

1. MENASA nun ye daqué AISLLAO, ye un problema FONDU EN TOL PAÍS. Ye un problema de desindustralización, debío a una política centralista, neolliberal y antiasturiana que ta sofitando´l PSOE ya IX n´Asturies; DESANICIANDO EL NUESU TEXÍU INDUSTRIAL ENSIN ALTERNATIVA DENGUNA y onde ASTURIES NUN YE MÁS QU'UN PARQUE TEMÁTICU, UN "PARAISU" PAL TURISTA. ESTA POLITICA FAI QUE DÍA TRAS DÍA PERDAMOS PUESTOS DE TRABAYU QUE NUN SE RECUPEREN ENXAMÁS. TRABAYU PERDÍU = MOZU/A EMIGRÁU

2. Esta política fai que VAIGAMOS pa pior, faciendo del Estáu español, un Estáu con autonomies de primera ya autonomies de segunda, NUN PODEMOS DEXAR QU´ASTURIES SEYA UNA AUTONOMIA DE SEGUNDA.

3. Mentantu NOS ENLLENEN les oreyes con bones pallabres de reactivación de la industria nes Cuenques Mineres, equi nun se ve resultáu, Y MÁS VIENDO que dexen morrer a una empresa con futuru; dexando nel paru a 50 families d´obreros. INDA NUN VIMOS AIDES.

4. Añu tres añu colen d´Asturies 18000 asturianos, a la gueta d´un trabayu dignu; pero esti fenómenu d´emigración nun lu quieren ver ya califiquenlu de “llenda urbana”. Si´l gobiernu´l PSOE ya IX nun dexase que se pesllasen esti tipu d´empreses nun SE PERDERIEN EMPLEGOS Y LA EMIGRACIÓN SEDRÍA MENOR. Y la mocedá tendría un trabayu dignu, y nun se veria OBLIGADA a colar cientos de kilómetros p´alcontar un trabayu. FUTURU P´ASTURIES, FUTURU N´ASTURIES.

Dende DARRÉU queremos pronunciamos escontra d´esta política ensin xaciu, ya que namás mos lleva a un paru obreru N´ASTURIES y a una desertización industrial. Nagüamos por una Asturies digna na que nengun obreru se vea n´estes situaciones, onde les inxusticies ya la precariedá llaboral NUN TIENEN SITIU.

NON A LA DESINDUSTRALIZACIÓN NES CUENQUES, NIN N´ASTURIES

*panfletu manifestamientu  Menasa en Llangréu el 25 de xineru
 

 RETIRADA DE LA SIMBOLOXÍA FACISTA EN RIBESEYA

Dende Darréu -Mocedá Nacionaliego, nel conceyu Ribeseya queremos amosar públicamente el nuesu rechazu ya indignación al caltenimientu de les diferentes espresiones d’enaltecimientu al nazismu o facismu esistentes anguañu en Ribeseya,  asina como pol silenciu alministrativu (unica rempuesta’l ayuntamientu a cualesquier iniciativa entamada por un coleutivu social en Ribeseya) amosáu pol ayuntamientu énte la solicitú escrita que Darréu presentó con relación a esti asuntu nel rexistru la Ca Conceyu.

            Afáyanse en dellos puntos del Conceyu diferentes plaques afitaes poles instituciones gubernamentales de la época preconstitucional, con dixebraes espresiones d’enaltecimientu del facismu (simboloxía de la falanxe española etc) asina como de pleitesía a los verdugos del Pueblu Asturianu y Riuseyanu mientres la Guerra Civil, esto ye la división franquista qu’algamó enantes suelu riuseyanu, formada por facistes de dellos puntos d’españa y nazis alemanes del exércitu l'aire hitlerianu.

            Amás, criticamos que l’ayuntamientu permite que perduren tou tipu de pintaes facistes o nazis, cuando estes apaecen (en époques vacacionales), eliminándoles únicamente cuando son tapecíes pola mocedá antifacista’l conceyu

Por tou ello, desiximos la retirada por parte’l gobiernu riuseyanu de toa la parafernalia facista esistente nel conceyu darréu, yá que creyemos que yá amuesó la capacidá pa ello.

Darréu Corvera solicita al equipu de gobiernu llocal más interés nel desendolque del programa d’ociu pa les fines de selmana que s’entama nel Conceyu 

Dende Darréu Corvera considérase manifiestamente meyorable’l conxuntu del programa Enredar y solicítase al ayuntamientu una braera inversión en pro de la democracia cultural de cara a prósimes ediciones. La voluntá político y los recursos aportaos pal desenrrollu d’Enredar nun tan al altor qu’esti programa debería plantegar.

Entendemos que los programes d’ociu alternativu tienen que dir dirixíos a guetar la participación social de la mocedá, motivando la so interrelación y el asociacionismu. Creyar ciudadanos y ciudadanes activos, participes riales del contestu comunitariu que los arrodia, debe ser la fin última d’ intervención de programes comu Enredar. Una fin inalgamable si vemos como promueve l’ayuntamientu esta propuesta d’ociu.

Darréu Corvera solicita la puesta en marcha d’un braeru programa d’ociu alternativu que té dotáu colos recursos económicos que garanticen un programa de calidá ensin programes “teledirixíos” pola corporación llocal d’anguañu. Un programa onde la mocedá decida el so conteníu programáticu y autoxestione los sos recursos. Consideramos qu’ el programa p’adolescentes debería estenderse a las nueches de los vienres y sábados, amás  d’ampliar la so presencia a les distintas parroquies del conceyu. La necesidá d’una programación d’actividaes rica, variada y atractiva pa los xóvenes ye una condición indispensable pal bon furrulamientu y la consecución de los obxetivos qu’una propuesta d’esti calibre deberíe tener.

Darréu creye nun braeru programa d’ociu alternativu onde la xuventú escueya les actividaes que quier desendolcar, amuesando d’esta manera una democracia participativa y asegurando la participación  activa de la mocedá corverán. La insuficiente cantidá de 5.000 Euros d’anguañu comu inversión en Enredar foi rebaxada en miles de euros en comparanza con ediciones anteriores y elimináronse  les actividaes del sábado pela nuechi. Amás recordar la nula política xuvenil de la corporación, que ufiertando un programa “teledirixíu” polos gobernantes y ensin participación de la mocedá, caltién zarrada la Oficina d’Información Xuvenil dende va 8 meses y la mediateca más d’un añu.  Achacamos a la falta de voluntá político la probeza del programa Enredar. Les deficiencias del Conceyu nes sos polítiques de mocedá queden de manifiestu una y otra vagada.

POR UNA ENSEÑANZA ASTURIANA
democrática, pública, llaica y gratuita
NON A LA LOE

            La agrupación llocal de Darréu, organización política xuvenil asturiana d’izquierdes, n’Avilés quier facer pública la so opinión sobro’l “Plan Integral de la Juventud” yá aprebáu pol gobiernu llocal.

            Dende la nuestra organización consideramos probe el “Plan Integral de la Juventud” aprobáu pol Ayuntamientu d’Avilés, sofitáu nuna llinia continuista de lo fecho fasta anguañu ensin ufrir nenguna innovación. Damos la impresión qu’en dalguna de les sos partes esti Plan parez más propiu d’una asociacion sociocultural que ta entamando a trabayar nun determináu campu en llugar del plan d’una conceyalía d’un ayuntamientu comu’l d’Avilés.

Esti plan parez tar formáu por una declaración d’intenciones envede por unos oxetivos claros y concretos. La falta de concreición nos oxetivos y nes medíes qu’esti plan contien dexa na voluntá política del momentu la decisión sobro como desendolcar la mayor parte d’él; a lo que s’amesta la dependencia total que tien en dalgunes de les sos fases d’otres conceyalíes o istituciones. Resultamos imposible considerar seriu un plan que pensamos que dende’l so aniciu t’atáu de pies y manes y que nun cunta cola autonomía suficiente pa desendolcase. 

Tres l’aprobación d’esti plan la Oficina de Información Xuvenil (OIX) queda como una simple espeutadora de los problemes de la gran parte de la mocedá avilesina, ensin una braera capacidá d’aición ente la demanda social de los y les xovenes del conceyu.

            A las carences que vemos nel nomáu Plan echamos en falta una revisión completa del programa d’ociu nuecreniegu de los fines de selmana, la ellaboración d’un plan de tresporte coleutivu de calter comarcal pa les nueches de los vinres y sábados, amás d’actuaciones dirixíes direutamente a erradicar el sexismu y la violencia y un plan específicu pa la mocedá discapacitao del conceyu de nueso.

ESCOLARIZACIÓN N’ASTURIANU ¡YÁ!

         Otru añu más axuntámonos nel mes de payares n’Uviéu nuna nueva convocatoria de fuelga en tolos I.E.S. del país, pa desixir el derechu de poder estudiar la nuesa llingua, l’asturianu.

         Dende Darréu sofitamos esta convocatoria de la Xunta Moza por qu’entendemos que ye nestos momentos cuando ye necesaria la xunión de tola mocedá y toles organizaciones de mocedá asturianes pa lluchar pola nuesa llingua.

         Un añu más repítese la vulneración de derechos llingüísticos de los estudiantes de educación Primaria, Secundaria y de Bachilleratos. El PSOE col permisu del so sociu de gobiernu IU quier facer una mocedá analfabeta na so llingua, y asina dar un nueu pasu al so desainiciu. Ye cosa de toos facer por evitalu.

Tampoco podemos escaecer que los y les estudiantes d’Asturies enfréntense a los ataques cotinuos de la derecha española y la ilesia escontra la educación pública.

Dende Darréu naguamos por una educación pública na nuesa llingua y de calidá. Por una educación que dea cobertura a les demandes de tola mocedá, que nos dea a tolos mozos y moces les mesmes posibilidaes independientemente de la nuesa situación social o económica y que nun nos obligue a tener que colar a otres universidaes del Estáu español a estudiar carreres comunes que nun tenemos equí.

         Entendemos la educación como ún de los motores de la sociedá y como factor d’igualdá ya integración. Ye necesaria una educación pública que garantice a les minoríes étniques y coleutivos más desfavorecíos l’accesu a ella, ye necesaria una educación pública bien planificada y dotada colos recursos adecuaos, una educación pública llaica y na nuesa llingua, una educación pública de calidá.

¡TENEMOS DERECHU!

COMUNICÁU PRESENTACIÓN CONCIERTU LLAR d'ANDECHA D'AVILES 

 COMUNICÁU CONXUNTU DE DARRÉU Y ANDECHA ASTUR
 [CORVERA]