|
Pesie a qu’angüañu el pueblu GLBT -Gays, Lesbians,
Bisexuals and Transexuals- tien na nuesa sociedá
reconocencia llegal, y dispon dafechu de tolos sos
drechos no político, alministrativo, social, yaeso,
ésta situación nun siempres vese reflexada na cai, o
índa pior, nin tan siquier contémplense en más de
100 países del Globu.
Aínda cuandu dende’l Gobiernu del Estáu Español
camudose la llegalidá en pro de la igualdá social
del pueblu GLBT, dende Darréu -Mocedá Nacionaliego-
entendemos qu’ésto nun mos pue esimir del nuesu
deber de nun discriminar a denguna persona pola so
condición sexual. Entendemos que nun mos pue esimir
de la nuesa obligación como ciudadanos a siguir
lluchando por esa igualdá neta que se tá, dende
estremaos ámbetos, intentando consiguir. Y aínda se
tá intentando algamar esa igualdá, porque anque mos
puea paecer que dende que tá’l matrimoniu y
l’adopción vixentes nes lleis yá tea tóo resueltu,
la igualdá nun la decide la llexislación na so plena
condición comu tala, en sinon qu’hai que concenciar
y lluchar por camudar la mentalidá de la xente.
Poro, lluchamos y llamamos a la mocedá a renovala,
cuando esta se quede anticuada, y dar pasu a nuées
xeneraciones que miren por un horizonte índa más
llonxanu al que tamos güei dimpuestos a algamar.
El 17 de Mayu:
El 17 de mayu de 1990, l’Asamblea Xeneral de la OMS
suprimió la homosexualidá de la llista de les
enfermedaes mentales. Con motivu d’ello güei
cellébrase, por segunda vegada, el “Día
Internacional Escontra la Homofobia y la Tresfobia”,
o IDAHOT -Internacional Day Against Homophobia and
Transphobia-, xornada de cellebración, anque tamién
d’intensa llucha y vindicación que, dende Darréu,
sofitamos y mos sumamos a ella con un enfotu ñidiu y
cimeru, nel que la mocedá d’anguañu y del futuru nun
tengan que pasar poles mesmes odisées que los sos
antecesores y que nos países onde les lleis persigan
esti fenómenu seyan iguaes de sópetu. Per otru lláu,
desiximos los mesmos drechos no civil, políticu y
alministrativu pa los y les homosexuales, asina comu
trensexuales y bisexuales.
Yá finando, facemos reflesión y balance, y nun
tenemos dubia de que’l sieglu XX foi ún sieglu
marcáu, ente otres tantes desgracies, pola homofobia
en munchos aspectos: deportaciones nos campos de
concentración baxu’l réxime nazi, el goulag na
Xunión Soviética, chantaxes y persecuciones nos
EE.XX. con McCarthy, establecimientu de la Llei de
Pelligrosidá Social n’España... Pero esto tamién
contribuyó en gran midía a que los drechos del
pueblu GLBT medraren en forma importante, al vese
éstos claramente atacaos pola Llei, pola “xusticia”.
Con aiciones pacífiques y/o violentes llevaes a cabu
comu por exemplu los acontecimientos de Stonewall,
que marquen l’españamientu de la lliberación
homosexual, nos qu’esti seutor de la sociedá, al
contrariu que nos anteriores casos, échase a les
barricaes pa defender la so dignidá, declárase ésti el “Día del Orgullu Gai”.
Asina pues, dende Darréu –Mocedá Nacionaliego-
denunciamos l’actual condición de precariedá na qu’atópase
la sociedá GLBT, especialmente no que cinca a la
mocedá, la que’n milenta ocasiones vese obligada a
prostituyíse n’edaes cées debíu al rechazu social
-familiar principalmente-, siendo estos o estes
menores d’edá na mayoría los casos.
Anguañu, el “Día Internacional escontra la Homofobia
y la Tresfobia” nun ta reconocíu pola Organización
de Naciones Xuníes -ONX-, polo que desiximos qu’ésta
dómina seya a tener en cuenta y que se contemple
como un díi de vindicación y llucha escontra les
desigualdaes nel mundiu.
Faciendo media, actualmente la situación de los gais,
les llesbianes, asina como los y les trensesuales y
bisesuales, pue considérase de pergrave y crítica, y
non sólu eso, en sinon que dempués de les caberes
midíes adoptaes por varios gobiernos autoritarios,
los drechos GLBTs tan de fechu en pelligru,
pudiéndose agravar en munchos países d’índole
teocrática o dictatorial del tipu que seya. Poro,
facemos un llamáu a tola mocedá del Planeta a
lluchar por camudar esta situación a nivel global,
echándose a la cai a vindicar unos drechos
totalmente inalienables, que dende cualesquier puntu
de vista han de tar contemplaos nes constituciones y
nes lleis de los diferentes estaos del Mundiu.
Porque ye cosa de tóos y toes:
¡IGUALDÁ, DARRÉU!
|
