|
70 |
|
semeyes |
|
|
|
100 Murales pola
Oficialidá
ye una campaña
que pretende llamar l'atención sobre la necesidá de que s'aprebe la
oficialidá de la llingua asturiana nel prósimu estatutu d'autonomia
p'Asturies. Poro demientres dure el procesu d'alderique y reforma del
estatutu Darréu -mocedá nacionaligo- propónse estrar a lo menos 100
murales peles cais y carreteres de la xeografia asturiana nos que puean
vese llemes vindicativos a favor de la oficialidá |
|
|
|
La oficialidá nel
prósimu estatutu.
Igual que n'otres comunidaes autónomes del estáu español
n'Asturies tamién ta entamándose alderique sobre la posible reforma del
estatutu d'autonomia p'Asturies. Al marxe de la interpretación paralela que
podamos facer dende Darréu sobre'l procesu autonómicu nel estáu español
tamién entendemos y atendemos a les situaciones y oportunidaes que se
presenten p'avanzar haza los nuesos oxetivos. Ensin dubia la oficialidá ye
ún d'ellos y una posible reforma del estatutu p'Asturies presenta una
ocasión que hai qu'aprofitar. Un nueu estatutu d'autonomia ensin oficialidá
seria inpensable y situaría Asturies nuna situación de predemocracia yá
insostenible. |
|
|
|
La mocedá como
protagonista
Nun ye raro que
la mocedá asturiana tea convirtiéndose nel mayor axente vindicativu pa
reclamar los sos drechos llingüísticos. La xente mozo n'Asturies d'angüañu
onde la mayor parte la población concéntrase yá nes ciudaes tien menos
posibilidaes qu'antes d'adeprender y usar l'asturianu, por embargu los mozos
y mozes d'esti país persaben que la so llingua ye'l asturianu y valórenla y
aprécienla como tal. Sólo la situación d'anormalidá democrática que se vive
n'Asturies cola llingua ensin reconocencia llegal y somorguiada nel escaezu
polos gobernantes pon en pelligru rial la so pervivencia nes nueves
xeneraciones. Poro'l movimientu xuvenil asturianu tien que ser protagonista
na vindicación llingüística n'Asturies y asina vien amosandolo. |
|
|
|
Un compromisu
ineludible
El proponemos a
nós mesmos la meta simbólica de aportar a los 100 murales fechos demientres
dure l'alderique y procesu de negociación del nueu estatutu d'autonomia
p'Asturies y, además, facer esta idea pública pretende ponenos nel
compromisu ineludible como organización de que si anunciamos que vamos facer
100 murales nun podemos fallar. De xuru que ye un llistón afitáu dende la
modestia pero sírvenos de referencia y entendémoslo como una aportación de
Darréu que ayudará a que se visualice más peles cais y carreteres d'Asturies
l'aclamación de la sociedá asturiana pola oficialidá de la so llingua. |
|
|
|
Una campaña na
que pues participar.
100 murales
pola oficialidá ye una campaña na que toes y toos podemos y debemos
participar, nun se trata de que faigan los murales siempres les mesmes
persones. Si tú quies participar na campaña indicándonos onde hai una muria
afayadiza o ayudándonos a facer unu de los 100 murales nel to barriu, pueblu
o conceyu solo tienes que ponete en contautu con nós na direición de corréu
lleutrónicu
info@darreu.org
. |
|
|
|
 |
|
Indiz |
|
|
|
|
|
|
|
|
|
|
|
MATERIALES |
|
DOCUMENTOS |
|
|
|
|
|
|
|
.
|
