El vienres entamaben los actos del DMR’09 nos llocales de la Corriente Sindical d’Izquierda (CSI) na Casa Sindical de Xixón coles Xornaes Internacionalistes, una charra-alderique y la proyeición del vidiu-documental sobre ochobre

Un voceru de Darréu presentó los actos del DMR'09 y lleó’l comunicáu de Darréu sobre la represión del Ayuntamientu Llangréu. Les Xornaes Internacionalistes ocuparon la mayor parte de la xornada. Militantes d’Adiante (Galiza) y Cajei (Països Catalans) presentáronse y desplicaron a los asitentes, qu’enllenaron, la sala la llucha que vienen calteniendo en dellos frentes y estayes.

Una puesta en común de la situación de los movimientos xuveniles independentistes n'Asturies, Galiza y Països Catalans, sobre la represión nestos páises y les estratexes pa combatila, la defensa del territoriu, la simboloxía facista y la llucha escontra la cris, dieron pasu a la segunda parte de les xornaes que foi d’alderique énte los presentes y d'entrugues a les diferentes organizaciones, lo que vieno a completar les intervenciones anteriores de les trés organizaciones xuveniles revolucionaries y facer l’actividá participativa.

La organización de mocedá desendolcó esta aición pa facer alcordanza de la entrada nel país a sangre y fueu del exércitu de la segunda república tres la Revolución de 1934 y la represión xabaz que vendría dempués.

Darréu, organización de mocedá independentista, fexo una aición na nueche del pasáu llunes 19 d’cchobre, que consistió en facer que les agues de les principales fontes de la ciudá d’Uviéu (Pza Cruz Roja, Pza San Miguel, Pza América, Pza Escandalera Y Pza Castilla) y Xixón (Begoña y fonte de los patos) amanecieran roxes como’l sangre daffechu. Les principales y más emblemátiques fontes de les dos ciudaes principales del país foron l’escenariu d’esta llamativa reivindicación. El recuerdu de la fin de la revolución asturiana y la refuga a los premios príncipe xuncense nesta aición vindicativa de la mocedá independentista revolucionario.

El finxu de facer "que sangren les fontes" ye’l facer alcordanza del fin de la revolución asturiana del 34 y la entrada a sangre y fueu del exércitu de la segunda república española nel país pa desaniciar la República d’Obreros y Campesinos d’Asturies, incumpliendo los alcuerdos de paz roblaos ente Lopez Ochoa y Belarmino Tomás, xenerales de los exércitos enfrentaos. Daquella, la represión xabaz española fizo correr ríos de sangre del Pueblu, sangre que tovia anguañu sigue escapándo.