Pesie a qu’angüañu el coleutivu de gais, llesbianes, bisexuales y tresexuales- tien na nuesa sociedá reconocencia llegal, y dispón dafechu de tolos sos drechos no político, alministrativo y social ésta situación nun siempres se ve reflexada na cai, o inda pior, nin tan siquier contémplense en más de 100 países del Globu.

Aínda cuandu dende’l Gobiernu del Estáu Español camudó la llegalidá en pro de la igualdá social del pueblu GLBT, dende Darréu –Mocedá Independentista Revolucionario- entendemos qu’ésto nun mos pue esimir del nuesu deber de nun discriminar a denguna persona pola so condición sexual. Entendemos que nun mos pue esimir de la nuesa obligación como ciudadanos a siguir lluchando por esa igualdá neta que se tá, dende estremaos ámbitos, intentando algamar. Y aínda se tá intentando algamar esa igualdá, porque anque mos puea paecer que dende que tá’l matrimoniu y l’adopción vixentes nes lleis yá tea too resueltu, la igualdá nun la decide la llexislación na so plena condición comu tala, en sinon qu’hai que concenciar y lluchar por camudar la mentalidá de la xente. Poro, lluchamos y llamamos a la mocedá a renovala, cuando esta se quede anticuada, y dar pasu a nueves xeneraciones que miren por un horizonte inda más llonxanu al que tamos güei dimpuestos a algamar.

El pasáu 8 de mayu, el PCPE-Asturies, Andecha Astur, los CJC/CMC y Darréu, entamamos una aición conxunta nel marcu’l festival  “Tolo d’Asturies” qu’entama l’ayuntamientu de Llangréu, pa condergar la sangrante situación represiva que sufren estes organizaciones ente otres, de la mano’l PSOE llocal.

Estes organizaciones, como desplicamos meyor nos panfletos repartíos, acumulen más de 35.000 € en multes pol simple fechu de tresladar la nuesa propaganda a les cais. Mentantu, el gobiernu municipal fai ver el doble raseru que gasta, colocando la so propaganda onde-y peta ensin mayor torga. Amestar tamién la ñegativa l’Ayuntamientu de Llangréu a ceder espacios públicos a les nueses organizaciones tanto p’actos culturales como políticos.

Concentración escontra la cris y la reforma llaboral n'El Parche (Pza. l'Ayuntamientu) d'Avilés el prósimu díi vienres 14 de mayu de 2010 a les 19:00 hores. Convoquen Corriente Sindical d'Izquierda, Unión Proletria, Andecha Astur, Partido Comunista de Asturies-Corvera, Partido Comunista de los Pueblos de España, Fai!, Unidá Nacionalista Asturiana, Colectivos de Jóvenes Comunistas, UNA-Mocedá y DARREU.