EL DMR'O7 VA EMPINCIPIAR EL 5 d'OCHOBRE  CON UNA XORNADA INTERNACIONALISTA EN XIXóN

La represión y criminalización de la mocedá independentista
04/09/07 El Día de la Mocedá Revolucionario 2007 va entamar el vienres 5 d'ochobre pela tarde con una Xornada Internacionalista na Casa Sindical de Xixón. Na xornada ta previsto que participen un bon garrapiellu de delegaciones internacionales de organizaciones polítiques de mocedá que van participar tamién nos actos del día 6 d'ochobre, en Llangréu.

EL DÍA DE LA MOCEDÁ REVOLUCIONARIO 2007 VA SER EN LLANGRÉU'L SÁBADU 6 d'OCHOBRE

Un manifestamientu y el VI Conciertu "Asturies nun escaez" los actos centrales del DMR'07.

14/08/07 El Día de la Mocedá Revolucionario 2007 va ser el sábadu 6 d'ochobre en La Felguera (Llangréu). Ente otros actos Darréu va convocar un manifestamientu y entamaráse la sesta edición del Conciertu "Asturies nun escaez" conmemorativu de la Revolución Asturiana y n'homenaxe a los y les revolucionaries. Los grupos asturianos que van participar nesta VI Edición van ser "Escuela de Odio" y "Skontra". Nun tardando diremos ampliando información sobre los actos del DMR'07.

DARRÉU PARTICIPARÁ NEL "REBROT 2007" QU'ENTAMA LA ORGANIZACIÓN CATALANA MAULETS

Nun pudimos tar en Sardignia nel Alcuentru Internacional sobre represión entamada por Manca pro s'Indipendentzia .
16/07/07 Los prósimos díes 26, 27, 28 y 29 de xunetu Darréu vamos tar participando nos Paisos Catalans nel Rebrot 2007, actu qu'entama tolos años (dende 2000) la organización moza Maulets. Demientres el Rebrot hai delles charres y talleres que van xirar alrodiu  la defensa'l territoriu, la denuncia de la especulación y el problema de les drogodependencies en la mocedá. Les delegaciones internacionales fairemos un conceyu pa siguir col trabayu conxuntu y participaremos nun actu internacionalista programáu pal sábadu pela tarde. Per otru llau, mui al nuesu pesar, nun pudimos tar en Cagliari (Sardignia), esti 11 de xunetu, nel Incontro Internazionale sulla repressione delle lotte di liberazione nazionale nelle nazioni senza stato  al que nos convidare la organización sarda A Manca pro s'Independencia qu'entamaba l'actu.

ACTUALIZAOS LOS ENLLACES DE DARREU

Puesta al día de la seición de darreu.org
16/07/07 Venimos d'actualizar la seición d'ENLLACES de la páxina con nuevedaes n'organizaciones asturianes y nes internacionales.

DARRÉU NEL XXX FESTIVAL DE LA SIDRA EN NAVA

Puestu informativu y de venta de material.
09/07/07 Darréu punxo'l so puestu informativu y de venta de material nel XXX Festival de la Sidra de Nava qu'aconceya miles de persones, comu yá ficiere na edición de 2006. Foi muncha la xente que s'averó pel puestu pa informase o mercar daqué y munches les pegadielles y otros materiales repartíos.

DARRÉU NEL MUNDIALIN ANTIRRACISTA DE FÚBOL 2007

Entamalu en Xixón la Cordinadora Antifacista d'Asturies.
06/07/07 Darréu participa otra vuelta nel Mundialin antirracista qu'esti añu cumple la segunda edición y qu' entama la Cordinadora Antifacista d'Asturies.
El Mundialin 2007 cellebrase esti añu Xixón, mañana día 7 de xunetu nel colexu Asturies de Xixón, xunta'l parque Carlos Marx. Entamará a les 10, tará amenizáu por Chalaneru Ska y habrá una espicha nel mesmu llugar.

DARRÉU POLA EXCARCELACIÓN DE CANDIDO Y MORALA

Nun comparte les peticiones de indultu.
01/06/07 Darréu pide la excarcelación de los sindicalistes asturianos y muestrase crítica coles peticiones d'indultu que presuponen culpabilidá. Candido y Morala sofrieron un xuiciu farsa onde nun se demostró en dengún momentu la so culpabilidá. Dende Darréu esiximos la excarcelación de los presos políticos atendiendo a la so inocencia demostrada. Darréu llama a la mocedá asturiano a participar en les movilizaciones solidaries y amosar na cai, en cada conceyu, en cada pueblu, villa o ciudá la refuga de la mocedá a esti procesu farsa político-xudicial-especulativu y la denuncia clara del papel del PSOE ya IU como represores de la clase obrera.

YESCA, LA NUESA ORGANIZACIÓN AMIGA EN CASTIELLA, CON CANDIDO Y MORALA

Solidariedá internacional colos presos políticos asturianos.
01/07/07 Yesca, la  nuesa organización de mocedá amiga en Castiella, vien movilizándose en solidariedá colos presos políticos asturianos Candido y Morala. La mocedá castellana y revolucionaria tuvo presente en Madrid y siguirá movilizándose nos actos de sofitu que se faigan nesi país esixendo la llibertá de los sindicalistes de la Corriente Sindical d'Izquierdes.

DARRÉU CON ANDECHA ASTUR NEL PRIMERU MAYU

DARRÉU NEL PRIMERU MAYU

Manifestamientu enm Xixón a les 12:00 hores.
31/04/07 Darréu sofitará mañana martes Primeru Mayu'l manifestamientu convocáu na Plaza l'Umedal polos sindicatos CSI, SUATEA, CGT y SF y qu'esti añu tien un claru calter antirrepresivu. Darréu fai llamamientu a la mocedá a movilizase nesti importante día de vindicación de la clase obrera y a tornar a llantar cara a la situación represiva que vive Asturies y que nos toca a toes y toos.
Puxa la clas obrera.
Puxa Asturies Llibre y Socialista

NUEU VIDIU DE LA XORNADA DE LLUCHA

Depués del vidiu antifacista na info la xornada ufiertamosvos esti Mocedá nun emigres llucha. Vamos siguir faciendo más vidios colos materiales que vamos teniendo.

DARRÉU NA "MARCHA LA MOCEDÁ" N'EUSKAL HERRÍA

La "Gazte Martxa" faese dientro los actos del Aberri Eguna pola mocedá independentista vasco.
15/04/07 Una delegación de Darréu participó na marcha de la mocedá pola independencia los díes 6,7 y 8 con motivu del Día la Patria Vasca y na que participaron miles de mozos y moces. Darréu foi parte de la delegación internacional na que tamién habia abondes organizaciones veníes d'Irlanda, Galicia, Països Catalans, Sardinia, Castiella, Cantabria, Alemaña, Béxica y coles que s'afitaron relaciones.

SIGUIMIENTU DE LA XORNADA DE LLUCHA

La mocedá dixebriego amuesa’l so descontentu na cai nuna xornada de llucha ensin precedentes n’Asturies

Les primeres valoraciones dende la organización de mocedá Darréu llévenmos a creyer que la convocatoria de xornada de llucha pa esti sabadu 31 de marzu foi un ésitu pola so  perimportante incidencia en dalgunos conceyos d’Asturies. Entá seguimos recoyendo informaciones, semeyes y videos que mos apurre xente anonimo y que diremos esbillando pa espublizar na web nos sucesivos díes pero de xuru yá podemos falar de a lo menos 200 pancartes, 2000 cartelos y 4000 pegadielles estraes peles cais y pueblos d’Asturies con llemes como Mocedá nun emigres…¡LLucha!.  [Info xornada]

DARREU ESCONTRA LA REPRESIÓN Y CRIMINALIZACIÓN DE LES LLUCHES OBRERES Y SOCIALES

30/03/07 Darréu participó xunta Andecha Astur nel manifestamientu entamáu pola Plataforma escontra la represión y poles llibertaes ayeri en Xixón y qu'aconceyó a miles de persones.

Xornada de Llucha del 31 de marzu 

4.000 PEGADIELLES y 2.000 CARTELOS

26/03/07 Yá tan na cai y repartíes pelos Conceyos de Darréu los 2.000 cartelos convocando a la Xornada de Llucha d'esti sábadu 31 de marzu y 4.000 pegadielles que tan dientro la campaña y qu'enllenarán les cais col llema "Mocedá nun emigres... ¡llucha!".

Concentración n'Uviéu el 22 de marzu na xornada de fuelga 

DARREU POLA ESCOLARIZACIÓN N'ASTURIANU

[ver el panfletu repartíu]

XORNADA DE LLUCHA EL 31 DE MARZU

Llamáu a la movilización tamién el día 22 na fuelga d'estudiantes y el 29 nel manifestamientu escontra la represión

18/03/07.La mocedá d’Andecha Astur vien de facer publica la convocatoria de “Xornada de llucha” pal prósimu sábadu 31 de marzu baxo’l llema “Mocedá, nun emigres ¡llucha!”. Con esta convocatoria Darréu quier facer un llamamientu a la mocedá a la movilización y la llucha política pa denunciar la situación predemocrática y de crisis social que sofrimos n’Asturies y la grave situación na que s’alcuentra la mocedá. Al traviés de la Xornada de llucha Darréu llama a la mocedá a facer visible per tolos medios posibles, nel so barriu, pueblu o Conceyu’l conflictu social y nacional que carez Asturies y la dura situación qu’altraviesa ún de los seutores más desfavorecíos: la mocedá. Del mesma Darréu fai llamamientu a movilizase el día 22 na fuelga nos IES escontra la descriminación del astruianu na enseñanza y el día 29 nel manifestamietnu escontra l represión. [comunicáu]

2.000 PEGADIELLES NA CAI

AYERI, GÜEI y SIEMPRES, ASTURIES ANTIFACISTA

04/03/07. Darréu vien d'asolyar 2.000 pegadielles col llema "Ayeri, güei y siempres. Asturies Antifacista" . La pegadiella yá ta distribuyía pelos distintos Conceyos de Darréu.
Fairáse especial incidencia coles pegadielles en zones del país onde vien apaeciendo propaganda de grupúsculos facistes que gocien de total impunidá pa la Delegación del Gobiernu español n'Asturies, campañes racistes, amenaces... n'Asturies pesie agresiones, ataques a llocales,...
Nun podemos dexar dengún requexu al facismu. Nun se pue dexar qu'envelenen a la mocedá.

NAUGURACIÓN DEL LLAR D'ANDECHA DE NOREÑA

22/02/07.Esta fin de selmana nauguramos el Llar d'Andecha de Noreña na cai Javier Lauzarica (onde Caxastur). Nel llar nacionaliegu tendrán la so sé los Conceyos d'Andecha Astur y de Darréu de Noreña y Sieru. El llar, autoxestionáu por estos conceyos, ye frutu del trabayu demientres dellos meses d'abondos militantes y simpatizantes. El sábadu el Llar abrirá les puertes a los vecinos y vecines de magar les 20:00 hores y el domingu de magar les 13:00 hores. El domingu a les 15:00 hores va facese l'actu oficial de inauguración y una espicha.

DARRÉU ASOLEYA L'ANUARIU DEL AÑU 2006

02/02/07. Darréu vien d'asoleyar l' Anuariu06 del qu'hai una tirada impresa (pa esparder per centros sociales, chigres del rollu, biblioteques y pa los propios conceyos de Darréu) y una versión pdf que podeis descargar en darreu.org.
Ye'l nuesu segundu anuariu, l'añu pasáu, per estes feches, asoleyábemos l'Anuariu05. Nos anuarios repasamos la nuesa actividá anual documentos, materiales,...Teniendo en cuenta que Darréu presentóse publicamente en setiembre de 2004, teneis nellos información de la gran parte la nuesa actividá. Sicasí, un resume de l'actividá de 2004 tamién la podeis alcontrar nel númb.1 de la nuesa revista Irguite

CONCENTRACIÓN A LES 9:30 -  2º XUICIU A CANDIDO Y MORALA

 FUELGA D'ESTUDIANTES  EN XIXÓN EL LLUNES 12  

08/02/07. Otra vuelta Darréu xunta otres organizaciones de mocedá convocamos fuelga xeneral d'estudiantes nel Conceyu Xixón en solidaridá colos sindicalistes de CSI esti llunes 12 de febreru y a dir a la concentración entamada a les 9:30 hores delantre los xulgaos de poniente. L'anterior fuelga (primer xuiciu) foi tou un ésitu y cientos d'estudiantes tovieron na concentración. Tres la multitudinaria y pesie a la falta de prebes el fiscal sigui pidiendo-yos cuatro años y mediu de cárcele, agora enfrentese a otra petición de dos años. La nuesa solidaridá y la nuesa presencia na concentración ye más necesaria que nunca. Un ataque tan grave tien de respondese cola dureza que se merez. Contra un ataque como esti  al conxuntu de la clas obrera y de la mocedá, la rempuesta tien que ser unánime, golpiando toos xuntos como un solu puñu.

MÁS DE MEDIU CENTENAR DE PERSONES NA CHARRA "LES LLUCHES OBRERES Y LA REPRESIÓN"

06/02/07. Esti domingu 4 de febreru más de mediu centener de persones aconceyaron na charra Lluches obreres y la represión" que tuvo como ponentes a Manuel Terán (colectivu trabayadores Duro Felguera) Candido Glez carnero y Martínez Morala (sindicalistes de CSI- Naval Xixón) y representantes de los colectivos calecer y Sofitu. Mientres 4 hores los ellí aconceyaos aldericaron sobre la situación d'Asturies nos últimos años con dures critiques a los autodenomaos "izquierda plural", les causes de la represión y los responsables d'ella, les lluches obreres, la necesidá de rempuesta a la represión y abondos temes más. Demientres les 4 hores más de mediu centenar de persones participaron nel actu convocáu pol Conceyu de Darréu en Llangréu.
 >> [VER SEMEYES] 

DARRÉU ASOLEYA L'ANUARIU DEL AÑU 2006

02/02/07. Darréu vien d'asoleyar l' Anuariu06 del qu'hai una tirada impresa (pa esparder per centros sociales, chigres del rollu, biblioteques y pa los propios conceyos de Darréu) y una versión pdf que podeis descargar en darreu.org.
Ye'l nuesu segundu anuariu, l'añu pasáu, per estes feches, asoleyábemos l'Anuariu05. Nos anuarios repasamos la nuesa actividá anual documentos, materiales,...Teniendo en cuenta que Darréu presentóse publicamente en setiembre de 2004, teneis nellos información de la gran parte la nuesa actividá. Sicasí, un resume de l'actividá de 2004 tamién la podeis alcontrar nel númb.1 de la nuesa revista Irguite

CHARRA-ALDERIQUE EN LLANGRÉU EL 4 DE FEBRERU

LES LLUCHES OBRERES Y LA REPRESIÓN

31/01/07. El prósimu domingu día 4 de febreru na Casa la Cultura de La Felguera , Plaza Menendez s/n (Llangréu) a les 17:00 hores el Conceyu Llangréu de Darréu entama una charra-alderique baxo'l llema "Les lluches obreres y la represión" con persones protagonistes de la llucha pol trabayu que falarán de la so esperiencia.

Nel actu partiparán los trabayadores de Naval y sindicalistes de la CSI Candido Gonzalez Carnero y Juan Manuel Martínez Morala, Manuel Terán del Colectivu de trabayadores de Duro Felguera xunta voceros del Colectivu Asturianu escontra la represión y poles llibertaes (CALECER) y de SOFITU (muerganismu antirrepresivu popular).

2.000 PERSONES EN SOFITU A CANDIDO Y MORALA

[1VIDEU.EN.DARREUTV]

FUELGA D'ESTUDIANTES EN XIXÓN EL 30 DE XINERU

22/12/06.Coincidiendo col primer xuiciu a los dos sindicalistes de CSI, que s'enfrenten a xuicios de carcele poles movilizaciones del naval, DARREU xunta otres les organizaciones de mocedá que formen parte de la "Plataforma escontra la represión y poles llibertaes" (CMC, JCA, SE, UJCE y CSI Mocedá) convocamos fuelga d'estudiantes el prósimu martes 30 de xineru de magar les 10:20 hores en sofitu a Carnero y Morala y a concetrase delantre los xulgaos de poniente a les 11:00 hores pa amosar la refuga escontra'l procesu xudicial. [manifiestu]

SOLIDARIDÁ CON CÁNDIDO y MORALA

XORNADA ESCONTRA LA REPRESIÓN SOCIAL Y LLABORAL N'ASTURIES

06/12/06. La Plataforma de Mocedá de la Comarca d'Avilés, llugar d'alcuentru de delles organizaciones polítiques y de moces y mozos de forma independiente de los conceyos la comarca d'Avilés y na que s'alcuentra Darréu, organiza pal sábadu 13 de xineru una "Xornada escontra la Represión Social y Llaboral n'Asturies", en solidaridá colos sindicalistes Candido y Morala, de la CSI, denunciaos pol Ayuntamientu de Xixón (PSOE-IU) pol conflictu d'astilleros.
18.30 hores. Centru Tomás y Valiente, Les Vegues (Corvera). Charra "Represión social y llaboral n'Asturies", colos ponentes: Candido y Morala, Manuel Terán (representante del coleutivu d'estrabayadores de Duro Felgueta), Daniel González (miembru del comite d'empresa d'Autotex) y representantes de Calecer (colectivu antirrepresivu asturianu)
22.30. Llar de Les Vegues. Conciertu Antirrepresivu.  (Corvera) con Néxodo, Adizión Etílika, Ásperos y Skama la Rede. Entrada de baldre.

SOFITAMOS LA CAMPAÑA POR UN PUNTU AST

06/12/06. Darréu sofita la campaña entamada pola Asociación PuntuAst que ñaz col oxetivu d'algamar un dominiu propiu (.ast) pal nuesu dominiu llingüisicu. Nós tamién naguamos por qu'Asturies, igual que Catalunya, algame'l so propiu dominiu n'internet que como comunidá llingüística ensin estáu-y correspuende.

ÉSITU DE LES XORNAES DE FORMACIÓN

25/12/06.Darréu nel so enfotu por ampliar la formación política de la militancia y de dotala de ferramientes qu’aumenten la so capacidá de trabayu vien de cellebrar les sos Xornaes de Formación 2006. Les xornaes foron un ésitu tanto pol nivel de participación como pola calidá de les ponencies y tamién polo que supunxo de tiempu de convivencia que afitó les rellaciones ente los y les compañeres de la organización. “Hestoria del nacionalismo asturianu, presente y perspeutives” por Marcos Abel Fernández, “El francimientu del movimiento llingüísticu” por Mariano Suarez y “Asamblearismu, praxis y metodología” por Carmen Pérez Antolín foron les tres ponencies presentaes.

EL FUTBOL XUNE, EL RACISMU SEPARTA

DARREU PARTICIPA ESTI SÁBADU NEL MUNDIALIN ANTIRRACISTA ENTAMÁU POLES BRIGAES ANTINFACISTES d'ASTURIES

21/12/06. Esti sábadu 23 nes instalaciones del Colexu Ería na cai Regenta, 4 d´Uviéu de magar les 11:00 hores les BAF entamen un mundialín antirracista nel que Darréu va collaborar con un equipu. Nel mundialín van participar otros 15 equipos amás del nuesu encuadraos en 4 grupos de los que se clasifiquen a cuartos de final los dos primeros. Darréu ta nel Grupu 2 xunta Dixebra Popular, Los murcielagos y Comandu Asturies.  Animamosvos a psabos pol Colexu Ería a esfrutar d'una xornada de convivencia antirracista y fubolera. >PÁXINA DEL MUNDIALÍN

EL NÚMBERU 2 d'IRGUITE YÁ NA WEB

20/12/06. Yá tamos escosando la edición impresa del númberu 2 d'IRGUITE y yá ye'l momentu d'asoleyar la revista na so versión  pdf na nuesa web. Dende güei yá  ta a la vuesa dimposición.

Coom ye vezu, dempués d'espardela na versión impresa y asoleyar na web la versión en pdf entamamos a trabayar yá nel tercer númberu del nuesu voceru nacional, que tendremos disponible lo más prósimo posible.
>IRGUITE NÚMBERU 2 (pdf)

NON A ESTA REFORMA DE LA SEGURIDÁ SOCIAL

MANI EL XUEVES 14 A LES 19:30 HORES EN XIXÓN

12/12/06. Igual que'l 20 de xunu que delles organizaciones sindicales, sociales y polítiques salimos a la cai pa protestar escontra la contra -rreforma llaboral, esti xueves 14 d'avientu vamos salir a la cai pa protestar por otra vuelta de tuerca nos recortes de derechopsde los/es trabayadores. Otra vuelta dende Darréu convocamos a la mocedá asturiana a esixir los derechos  na cai.
>MANIFIESTU

DARREU TV: LA SEICIÓN DE VIDEOS

VIDEOS RELACIONAOS COLA NUESA ACTIVIDÁ
11/12/06 Estos díes atrás estrenemos la nuea seición de darreu.org DARREU TV na que se dirán escolingando videos que recueyen parte de la nuesa actividá. Ya hai un bon garrapiellu d'ellos que podeis ver na propia páxina de la seición, incluyíu el vidiu resume del Día la Mocedá Revolucionario que venía tando en portada y que ya tuvo más d'un millar  de "espectadores".

DARRÉU CONTRA LA DESTRUICIÓN D'ASTURIES

DARRÉU CONTRA LA REPRESIÓN Y POLES LLIBERTAES

"40 AÑOS DE DICTADURA, 30 AÑOS DE DEMOCRACIA"

UNES DOSCIENTES PERSONES NA CONCENTRACIÓN ANTIFA DEL 20P n'UVIEU
22/11/06 El pasáu llunes 20 de payares Darréu sofitó la concentración antifacista convocada por FUSOA, Calecer, Sofitu, Cizalla y BAF-Asturies na Plaza España d'Uviéu. Más de 180 persones aconceyaron delantre "la pesetona" que finó la concentración pintada de collorao. Teneis el vidiu en www.glayiu.org

¡LLINGUA NACIONAL, LLINGUA OFICIAL!

DARREU FIZO DOS MURALONOS NUN DÍA DE VINDICACIÓN POLA ODICIALIDÁ N'UVIÉU
19/11/06 El 18 de payares y coincidiendo con otros actos de vindicación llingüística n’Uviéu pola oficialidá del asturianu Darréu -mocedá nacionaliego- llantó dos muralones bien visibles en dos de les entraes más importantes a Uviéu pela autopista. Unu nel accesu principal en pasando’l la ilesia prerománica de  Santuyanu y otru nel accesu a la ronda sur.  Los murales tan inxertaos na yá perconocía campaña de 100 murales pola oficialidá que ta na so reuta final. D’esta mena y na mesma llinia que l’añu pasáu Darreú espresóse nesi día con una aición propia y llamativa. Nun tardando asoleyaremos más semeyes de la campaña.

CONCENTRACIONES N'AVILES (19-P) y N'UVIÉU (20-P)
14/11/06 Darréu convoca conxuntamente con otres organizaciones de mocedá de los conceyos de la comarca d’Avilés un actu antifacista esti domingu 19 de payares. La concentración convocada por CMC, JCA, Sindicato de Estudiantes, UJCE y DARREU sedrá de magar les 18.30h.  énte la conocida popularmente como “Casa de los Pedregal”, edificiu que sirvió como carcele y centru de tortura a los y les combatientes avilesines del güelpe d’Estáu franquista. Esta convocatoria xurde como rimpuesta a la cellebración d’un nuevu 20 payares na ilesia de San Francisco per parte de los sectores más católicos y retogrados de la sociedá avilesina.
Per otru llau, Darréu  va sofitar como ye vezu otra vuelta la concentración, a nivel nacional, del 20 payares n'Uviéu na Plaza españa qu'esti añu convoquen los colectivos FUSOA, Calecer, Sofitu, Cizalla y BAF-Asturies a les 20:30h baxo'l llema "40 años de dictadura, 30 años de" democracia".

14/11/06 Ente los actos convocaos el prosimu 18 de payares. Darréu, organización de mocedá d´izquierdes afita´l so compromisu cola oficialidá de la llingua d´Asturies sofitando les concentraciones convocaes pol nueu coleutivu “N´AST” ente les sés de IU y PSOE.
Darréu quier dexar nidiu la so posición de rechazu escontra l´actitú hipócrita d´IU que con responsabilidaes directes de gobiernu participa activamente na represión y ñegación de los drechos llingüísticos y llexítimos del Pueblu Asturianu. Llamentamos nun poder sumanos al manifestamientu convocáu pol Conceyu Abiertu pola Oficialidá (CAO) considerando qu´ente los sos convocantes s´atopen dellos responsables directos de la situación predemocrática d´esti país (como por exemplu IU).
Darréu defendió y defenderá la oficialidá de la llingua d´Asturies ansina como´l respetu y promoción de les sos variantes, entendiendo que refugamos cualesquier intentu de segregación llingüística del occidente asturianu, otra razón más pola que nos sumamos a les concentraciones de “N´AST”, y refugamos denominaciones ayenes a los intereses nacionales. Poro, Darréu, fae un llamáu a la xenté p´andechar cola iniciativa de N´ast. ¡Llingua nacional, llingua oficial!

LA MOCEDÁ COMUNISTA CHECA FOI ILLEGALIZADA
06/11/06 Darréu -Mocedá Nacionaliego d’Asturies- quier muesar el so plenu sofitu y solidaridá cola muerganización KSM, ya que pesie a que ta integrada n'ún Estáu supuestamente “demócrata”, foi víctima hai dellos díes d'una illegalización nun sólo de la muerganización, sinon de les sos propies idegues. Consideramos que nunca denguna muerganización d'esquierdes tien consentir nin ser indiferente a acciones tan fora de llugar como una illegalización pol simple fechu d'atalantar diferente. Como socialistes ya independentistes que somos defendemos el drechu de los pueblos y naciones a decidir pol so propiu futuru y a defender y espresar llibremente les sos idegues y convicciones, y poro condenamos enérxicamente esti pasu dáu pol Gobiernu la República Checa al illegalizar tala muerganización. El nuesu más sinceru sofitu dende Asturies y dende Darréu al KSM y a tool sector al que representa. Non a la criminalización de les idegues!!

"EL 12 DE OCTUBRE Y SU SIGNIFICADO"
Más de mediu centenar de persones dieronse cita nel actu entamáu pola organización xuvenil castiellana Yesca  dientro la so campaña 12-0 masacre de pueblos y tolo que representa. Nel actu intervinimos amás de Yesca  Jaleo!!! (Andalucía), Darreu (Asturies), un representante del independentismo juvenil de Euskal Herria, CUP (Països Catalans). Los participantes espliquemos el contextu políticu nel que se desendolca la llucha independentista que se vive nes nueses respectives naciones y los asistentes al actu nel Atenéu Republicanu de Vallecas pudieron ver la proyeiciión de dos videos.
Dende equi dar agradece-yos a los compañeros/es de Yesca les atenciones y el perbón tratu que nos dieron.

        MULTITUDINARIU DÍA DE LA MOCEDÁ REVOLUCIONARIO

Esti sábadu 7 d'ochobre cellebremos el primer Día de la Mocedá Revolucionario con dellos obxetivos: conmemorar la Revolución Asturiana y homenaxear a los sos protagonistes, afitar un día de vindicación xuvenil con claru calter social nel calendariu asturianu de movilizaciones, da-y un calter tamién internacionalista cola participación de delegaciones internacionales, facer un día participativu pa con organizaciones sociales, culturales,... y como non de movilización de mocedá. Como non tamién siguir col conciertu "Asturies nun escaez" na so quinta edición con un claru compromisu social y de calidá musical.
 
Too ello cumplióse y munches de les espectatives superáronse, tolos actos entamaos fueron un ésitu, faciendo ente toos/es una gran xornada esti 7 d'ochobre que nos da fuercia abondo pa  preparar el Día de la Mocedá Revolucionario 2007. Nun too foi perfeuto  y esta primer edición sirviónos pa ver fallos que xurdieron y delles coses a meyorar que pola falta d'esperiencia escapáronsemos, tomamos bona nota pal añu qu'entra.

Ye xusto agradece-yos a tolos collaboradores el so sofitu, lo mesmo que a Obrint Pas, Dixebra, Escuela de Odio, K-Nalón y Testimoniu la Viztima pol gran espectaculu y collaboración, a los trabayadores del Soníu y de los autocares, a toles organizaciones asturianes presentes, a les delegaciones internacionales que vinieron a solidarizase y a tolos/es participantes. Ente toos ficimos qu'esto fuere posible. GRACIES. [SEMEYES ]

Salida a les 19:00 hores na Estación d'Autobuses de la Felguera.
Delles organizaciones sociales, politiques o sindicales sofitaron la convocatoria de manifestamientu de Darréu por un Futuru n'Asturies y escontra la emigración y la esplotación de la mocedá.La convocatoria tien el sofitu del sindicatu Corriente Sindical d'Izquierda, la organización política Andecha Astur y organizaciones sociales como l'Asociación d'Inmigrantes Residentes n'Asturies (AIRA) o el Conceyu Asturianu escontra la represión y poles llibertaes (CALECER) ente otros.
LA MOCEDÁ NA CAI POLOS SOS DERECHOS.

Entama a les 12:00 hores nel I.E.S Cuenca del Nalón
Mocedá asturiana, aragonesa, cantabra, castellana, vasca y catalana aconceyarán de magar les 12 hores nel IES Cuenca del Nalón nel Alcuentru Internacionalista qu'abre'l Día de la Mocedá Revolucionario. Cada organización espondrá la situación de la mocedá nos sos países y les dixebraes situaciones y lluches del movimientu xuvenil independentista de cada nación. Depués del actu fairáse una xinta de xermandía. Tres l’Alcuentru “formal” les delegaciones internacionales participarán  demientres tol día nos actos solidarizándose cola llucha de la mocedá asturiano. Asina, van participar con papel propiu na manifestación pol Futuru n’Asturies, na espicha antirrepresiva y nel Mercáu d’organizaciones que se fai al empar que’l V Conciertu “Asturies nun escaez”.

Podeis dir fasta La Felguera dende Avilés, Xixón, Uviéu y Noreña
Darréu tien organizaos buses d'ida y vuelta pa participar nel Día de la Mocedá Revolucionario. El viaxe d'ida y vuelta tien un preciu de 8€, los buses aporten a La Felguera pa participar na manifestación y tornen dempués del conciertu. De Xixón saldrá a les 18:00 hores na Gota Lleche y los bonos puen mercáse n' El Baruku. Dende Uviéu salida dende la Plaza la Xesta a les 18:00 h y los bonos a la venta en la Lliberría Paraxuga. Dende Noreña salida a les 18:30 h y bonos nel Llar d'Andecha d'El Berrón. Dende Avilés la salida ye a les 17:30 hores y los bonos nel Llar d'Andecha d'Avilés.

Nel programa "Andecha Obrera" a les 22:30 hores que podeis sintir en www.radiosele.net .
Darréu presentó en rueda prensa los actos esti sábadu en Llangréu y esti xueves representantes de la organización tarán nel programa "Andecha Obrera" de Radio Sele onde se presnetarán tolos actos y que podeis sintir nel 106.1 FM y n'internet en radiosele.net

Sábadu 30 de setiembre a les 13:00 hores na pista polideportiva del IES Cuenca del Nalón.
Darréu presentará a la prensa los actos del 7 d'ochobre esti sábadu 30 de setimbre nel IES Cuenca del Nalón, onde se celebrará el conciertu y el mercáu d'organizaciones. Nel actu  participarán responsables de DARREU a nivel nacional y nel Conceyu de Llangréu.

Una manifestación y el Conciertu "Asturies nun escaez" sedrán los actos centrales de la xornada.
El prósimu día 7 d'ochobre, en La Felguera, DARREU conmemorará la Revolución Asturiana d'ochobre de 1934. Esti añu, amás del avezáu Conciertu "Asturies nun escaez" entámase'l "Día de la Mocedá Revolucionario" n'homenaxe al papel de la mocedá nel procesu revolucionariu asturianu conformando un día de conmemoración y vindicación. Na xornada fairáse un Alcuentru Internacionalista, un homenaxe a Belarmino Tomás, una manifestación pol Futuru n'Asturies y escontra la esplotación y emigración de la mocedá, una espicha antirrepresiva, un mural artisticu conmemorativu un mercáu d'organizaciones y el Conciertu "Asturies nun escaez 1934-2006" cola actuación de K-Nalón, Testimoniu La Viztima, Escuela de Odio, Dixebra y los valencianos Obrint Pas, por primer vegada n'Asturies.
> TOLA INFO: WWW.OCHOBRE.DARREU.ORG

DARREU intervino nel actu políticu tres la manifestación d'Andecha Astur.
"Güei, ye ocho de setiembre ye´l díi nel que los asturianos cellebramos el nuesu díi de la nación. Ye nidio qu´inda nun tamos pa cellebrar ná, tal comu diz el cartelu “YE HORA DE MIRAR POR ASTURIES” y pa eso tamos nós, la xente mozo de Darréu y la xente dalgo menos mozo d´Andecha Astur, tamos pa eso y pa puxar pa qu´el pueblu trabayaor asturianu; qu´abondes vegaes llevantóse, nel so tiempu na hestoria, escontra l´españolismu xabaz qu´intentó desaniciar la nuesa concenxa nacional arrebatándomos de les manes la soberanía que comu pueblu mos cuerrespón por drechu (...)"  >MAS

DARREU asoleyó'l segundu númberu coincidiendo col Día la Nación Asturiana.
El segundu númeru d’IRGUITE yá ta na cai dende'l Día de la Nación Asturiana Nesti segundu númberu, IRGUITE amplíase en páxines y conteníos, la revista cunta nesta ocasión con un “Especial Historia” nes páxines centrales entituláu “Visiones de los asturianos que combatieron el güelpe d’estáu (1936-1937)”, cuando se cumplen 70 años, a cargu del historiador Rafael R. Valdés (La Carisa-Uviéu, 1978) y una entrevista al grupu de hip hop K-Nalón. Amás d’esto, nos conteníos d’esti numberu dos alcontrarase muncha información relativa a l’actividá de Darréu nestos meses y, n’especial, información sobro’l Día les Lletres Asturianes, el Primeru Mayu, el Día contra la homofobia y la tresfobia, sobro’l “Plan Bolonia” y el espaciu européu d’educación, la campaña “100 murales pola oficialidá” y la Reforma llaboral.

Como novedes nesti númberu inclúyese la seición “Opinión Moza” onde s’alcontraran artículos d’opinión sobre temes variaos, y “Movimientos Sociales” onde nesta ocasión infórmase de la organización antirrepresiva y poles llibertaes “Calecer” y l’asocación escontra’l maltratu “Algama”. Aparte, l’habitual resume de l’actualidá d’estos meses de “Asturies’06”, “El mecigayu” con información de llibros, música, revistes, internet.. y el “Puestu Material”.

La tirada, como nel primer númberu, sedrá de 1.000 exemplares, distribuirase de baldre y alcontraráse nos llocales collaboradores, en biblioteques, centros sociales, dalgunes llibreries,…y distribuiráse como ye vezu en tolos actos onde participe o organice DARREU.

DARREU llama a participar a la mocedá asturiana na maniestación convocada por Andecha Astur y vindicar na cai los derechos sociales y nacionales del Pueblu Asturianu.
El primer actu públicu de DARREU foi nel Día la Nación Asturiana de 2004 onde se presentó la organización. Dende aquello va 2 años el crecimientu de militancia, actividá y organización ye evidente y costatable. Llegando dos años y tres Díis de la Nación dempués con un proyeutu afitáu y en crecimiento constante. La valoración d’estos dos años ye perpositiva lo que fai que cada día más nos enfotemos en siguir costruyendoi un movimiento xuvenil asturianu fuerte y combativu. >COMUNICÁU

La campaña qu’ entamó a finales de mayu yá superó ampliamente la mitá del recorríu. Dos militantes de Darréu denunciaos por “daños”.
22/08/06 Va tres meses, dende DARREU entamábemos una campaña nacional pola oficialidá, na que nos comprometimos a facer polo menos 100 murales pola pela xeografía del país mentantenes durare’l procesu d’alderique del estatutu d’autonomía p’Asturies, que d’aquella paecía entamar. DARREU asoleyamos 90 díes después d’entamar que nesti tiempu ficimos más de 65 murales en 25 conceyos asturianos >COMUNICÁU

16/08/06 Dende Darréu mocedá nacionaliego de Xixón queremos amosar too el nuesu sofitu y solidariedá a les víctimes d’esta nueva agresión facista nes cais del nuesu conceyu, especialmente a los dos menores que finaron con delles feríes na napia, el güeyu y el llabiu. Darréu-Xixón refugamos nuevamente esta situación de constantes agresiones facistes a xóvenes de la izquierda alternativa asturiana, asina como denunciamos la llabor de pasividá y tolerancia frenti a los ataques neonazis por parte del Delegáu del Gobiernu español. Tamién dexisimos unes medíes efectives pa torgar en toa la medía posible qu’estos grupos de facistes sigan agrediendo a la xente, ya qu’anguañu la “xusticia” dexalos impunes de tal manera que más tardi o tempranu reinciden nos actos.

Tola nuesa solidaridá coles víctimes del facismu
Puxa Asturies llibre ya socialista!
Puxa Asturies Antifacista!