|
|
|
Un discu recopilatoriu
presentóse como la novedá más importante nel DMR’07 |
 El
discu xunta a tolos grupos de los conciertos
Asturies nun Escaez.
Coincidiendo col
DMR’07 Darréu vien d’asoleyar un discu
recopilatoriu con tolos grupos que participaron
nes 6 ediciones del míticu conciertu Asturies
Nun Escaez. 20 grupos completen 80 minutos de
música con temes cedios de 13 grupos asturianos
(Dixebra, Mala Reputación, Skontra, Escuela de
Odio, Oi N’ast, Intolerance, Sendero Luminoso,
Skama La Rede, Avientu, Testimoniu la Viztima,
N’arba, K-Nalón y La Tarrancha) y 7 grupos
punteros d’otros paises (Koma, Betagarri, Habeas
Corpus, Skalariak, Soziedad Alkohólika, Etsaiak
y Obrint Pas). Con estos 20 grupos recopílase
la hestoria d’esti conciertu fasta angüañu pero
el discu defechu trae 21 temes pues abre’l discu
un tema inéditu d’Escuela de Odio “Los de
Siempre” cedíu n’esclusiva pa esti DMR’07.
El discu Asturies nun Escaez
1934-2007 preséntase con un impresionante
formatu y diseñu, tien un preciu de 10 euros y
pues atopalu nos avezaos puntos de venta.
|
|
vienres 5
d'ochobre |
|
El Día de la Mocedá
Revolucionario 2007 entamó´l vienres 5 d´ochobre
cola Xornada Internacionalista cellebrada na
antigua casa sindical de Xixón.
|
|
La represión de los movimientos xuveniles
revolucionarios y la rempuesta solidaria a la
mesma centraron les intervenciones y l´animáu
alderique posterior. La xornada cuntó cola
participacíon de delles delegaciones
d´organizaciones polítiques xuveniles.
Una estudiante miembro del Comite de Colombianos
Refuxaos n´Asturies "Luciano Romero" abrió la
xornada cola proyeición d´un documental sobro la
situación de guerra tapecía que se vive en
Colombia , desplicando cómo les fuercies
paramilitares averaes al gobiernu institucional
secuestren , asesinen y faen desapaecer a
llíderes de movimientos políticos ,
estudiantiles y sindicales a los que falsamente
acusen de pertenecer a la guerrila y de
conspirar escontra´l gobiernu.
Dempués aportó ´l turnu al voceru de Sofitu
quien desplicó ´l llabor que desendolca el
muerganismu antirrepresivu y fexo un pequeñu
resume de los caberos casos de represión
escontra independentistes asocedíos n´Asturies.
Les delegaciones de les muerganizaciones de
mocedá nacionaliego de Castilla (Yesca) y
Cantabria ( Regüelta) coincidieron a la hora d´
afitar nes sos respectives ponencies la
represión y los montaxes político-xudiciales que
carecen nel desendolque de la so actividá
política y el llabor criminalizador que
sistemáticamente faen los medios de comunicación
escontra la so llucha nacional y social.
Una representante del coleutivu antirrepresivu
asturianu Calecer fexo un analís de la situción
del movimientu antirrepresivu anguañu n´Asturies,
de les ofensives a les que se tien d´ enfrentar
darréu y de los caberos casos de represión.
L´actu zarrolu´l saludu del representante de la
muerganización política xuvenil canaria Azarug
que quixo amuesar la solidaridá de la mocedá
canario cola llucha del pueblu asturianu.
Per otru llau, lleéronse los saludos d’otres
organizaciones que nun pudieron tar el vienres
na xornada como Maulets y Cajei de los Paisos
Catalans o A Enrestida de Aragón.
La xornada finó con una espicha popular na mesma
casa sindical.
|
|
sabadu 6
d'ochobre |
|
L’homenax a Belarmino Tomás y a
los y les revolucionaries de 1934 abrió la
xornada del sabadu. |
|
A les 19:00h. na cai Belarmino
Tomas en La Felguera y ente’l monolito dedicáu a
la so memoria Darréu entamó un actu d’homenax a
los y les revolucionaries del ochobre asturianu
que llucharon n’aquella dómina por una Asturies
llibre. El voceru de Llangréu, Marcos Menendez,
foi l’encargáu de lleer el discursu que Darréu
preparó al efeutu y d’abrir asina los actos
d’una xornada repleta d’actividaes. |
|
semeyes
 |
|
|
|
Una manifestamientu pol “Futuru
n’Asturies” percorrió les cais de la Felguera. |
|
N’acabando l’actu d’homenax a a los
revolucionarios d’Ochobre entamó el
manifestamientu pol “Futuru n’Asturies” baxo’l
llema “D’equí nun mos mueven, nun emigrar ye
resistir” y que finó ente l’IES Cuenca del
Nalón. Cientos de mozos y moces percorrieron les
cais de La Felguera nuna mani mui animada
continuamente polos glayios de la xente y
dacuandu pol ruiu d’algún petardu. Conseñes comu
“Asturies salvase lluchando”, “Ochobre 34, poder
popular”, “los borbones a los tiburones” o el
clasicu “Independencia, puxa Asturies Dixebrá”
sintieronse a lo llargo tola mani. Además de los
miembros y simpatizantes de Darréu na mesma
participaron tamién representantes d’Andecha
Astur, de CSI, de Calecer, de Sofitu, de la
Coordiandora Antifacista d’Asturies y miembros
del Comité de Despedios de Duro Felguera que
portaron una pancarta. |
|
semeyes
|
|
Un mural antifacista al acabar
la mani |
|
Con un mural col
llema Ayeri, güei y siempres Asturies
Antifacista y cola clásica imaxe d’un
guerrilleru afogando un llagartu que
representa’l nazismu col testu ¡Apierta
fuerte coapañeru! Darréu quinxo recordar
qu’al igual qu’enantes güei tamíen ye necesario
lluchar escontra la amenaza del facismu siempres
presente allá onde un pueblu trate de vivir en
llibertá. Lluchar escontra’l facismu ye lluchar
pol poder popular, pola convivencia pacifica y
n’igualdá de les persones y los pueblos. |
|
semeyes
|
|
|
|
El míticu conciertu Asturies Nun
Escaez platu fuerte del DMR’07 |
|
El públicu entregóse dende’l entamu colos
asturianos Skontra y Escuela de Odio. |
|
Una edición más del míticu conciertu “Asturies
nun escaez” llevónos de nueu a Llangréu, pa
disfrutar de los meyores soníos del momentu.
Esti añu los grupos asturianos serién Skontra y
Escuela de Odio. Dende l'apertura de puertes
fasta'l final del conciertu tuvo abierto amás de
la barra y el puestu de comida del colectivu
antirrepresivu calecer un Mercáu
d'organizaciones. |
|
 |
SKONTRA
Tocaba-y a Skontra entamar la sesta edicion del
festival, una papeleta difícil, que supo
resolver ensin problema dengún, fizo
baillar a tolos presentes col so punk-folk tan
característicu. Nel conciertu repasaron los
cancios del so discu "Semeya de la Rabia"
que'l publicu glayu ensin
descansu. |
|
semeyes
|
|
|
ESCUELA DE ODIO
Tres d'Skontra llegó'l turnu del meyor hard-core
asturianu , llegaba Escuela de odio, recién
llegaos de la so xira por por México, tornaben
p´Asturies col so nuevu trabayu, del cual
pudimos sentir dellos adelantos que-y prestó al
publicu, sobremanera el tema "Los de Siempre"
inxertáu nel discu compilatoriu. Ademas de les
novedaes, canciaron temes hestóricos como
“Asturies Arde” que la ficieron cola
collaboración especial de dellos miembros de
Habeas Corpus, que ficieron desmadrar a la xente
como nunca y fizo que fuese una de les
actuaciones mas espectaculares nestes seis
ediciones de conciertos d’ochobre. |
|
semeyes
|
|
|
|
Actu políticu internacionalista |
|
Nun intermediu del conciertu tuvo llugar l´actu
internacionalista nel que representantes de les
distintes muerganizaciones viníes de fuera
d´Asturies xubieron al escenariu coles sos
respectives banderes nacionales. El voceru de
Darreu Brunu Gomez agradeció fonderamente a los
representantes de Yesca (Castiella), Regüelta
(Cantabria), Azarug (Canaries), Maulets y
Endavant (Paises Catalanes) y representantes de
la mocedá independentista vasca y gallega la so
participación nos distintos actos del DMR’07 y
el so sofitu y solidariedá pa cola llucha de la
mocedá revolucionario asturiano. Una portavoz
en representación de toles delegaciones fizo
llectura d´un comunicáu nel que s´espresaba la
necesidá de collaboración y ayuda ente toles
muerganizaciones que nos nuesos respectivos
paises caltienemos una mesma llucha.
Dientro l'actu hebo un momentu pa solidarizase
toles delegaciones internacionales y Darréu
cola mocedá catalana procesada pola quema
d'imaxenes de los reis d'España. Nel trescursu
de conciertu nun foron poques les imaxenes que'l
publicu emburió.
Pa finar l´actu el represente d´internacional de
Darréu, Samuel Álvarez, fizo llectura de los
saludos unviaos poles organizaciones Cajei (PPCC)
y A Enrestida (Aragón) nos que s´escusaben por
nun poder tar personalmente nel DMR’07 pero que
mandaben un saludu revolucionariu y solidariu a
la mocedá asturiano.
|
|
semeyes
|
|
|
|
Actu políticu central |
|
Nel
mitín Mariu Arbesú despidióse de Darréu y
anunció un prósimu relevu xeneracional nos
responsables de la organización. |
|
Nel actu políticu
central del DMR’07 el voceru de Darréu desplicó
lo qué ye el Día de la Mocedá Revolucionario o
DMR y faló de lo importante que ye qu’esistan
eventos d’esi calter y de la necesidá de siguir
afondando na construición d’un movimientu de
lliberación nacional n’Asturies qu’agora ye
embrionariu pero ye imparable, tamién destacó
que yá naide pue ñegar que hai independentismu
n’Asturies y qu’hai una mocedá dimpuesta a
lluchar pa camudar les coses.
Arbesú repasó los
llogros de Darréu nestos 3 años d’esistencia y
desplicó que esti Día de la Mocedá
Revolucionario yera perespecial pa él porque
yera la so caberá intervención pública como
Responsable d’Organización en Darréu yá que con
29 años Arbesú dexa la so responsabilidá na
organización xuvenil. Tamién aprofitó pa dar les
gracies “a la xente cola que compartí
militancia fasta agora nun solo pola so entrega
como militantes sinon tamién pol so valir humanu
y pola amistá que me regalaron”.
|
|
semeyes
|
|
|
|
Koma y Habeas Corpus pesllaron
el conciertu con un gran públicu desfrutando
fasta l’últimu minutu |
|
Tres la gran
actuación de los grupos asturianos toco-yos el
turnu a los foriatos.
|
|
KOMA
Entamó primero KOMA que con un
impresionante directu y tocando temes
perconocios ficieron disfrutar a la gran
cantidá de públicu qu’enllenaba el recintu del
festival. Enantes de los bises Koma sorprendió a
los presentes tocando "Equi güel comu que
fumaron" versión n'asturianu que fuere parte
del miticu recopilatoriu "L'Asturianu muévese"
provocando'l deliriu ente'l publicu.
|
|
|
|
semeyes
|
|
|
|
HABEAS CORPUS
Tres KOMA los encargaos de zarrar
la sesta edición del "Asturies nun escaez" foi
habeas corpus. Ensin decaer l’ambiente Habeas
Corpus escomenzó el so recital llegando a vese
gran movimientu de mocedá pesia la
entrega colos grupos anteriores. Componentes
d'Escuela de Odio collaboraron nel conciertu en
delles ocasiones. Cola fin de fiesta llegó
l'apoteosis final cuando dellos componentes de
los grupos acompangaron a Habeas nel so tema
"Fascismo nunca más" col que finó'l conciertu. |
|
semeyes
|
|
|
|
Darréu valoró el DMR’O7 como un
ésitu en cuantu a organización, participación y
relevancia política. |
|
La valoración de Darréu sobre el Día la Mocedá
Revolucionario nun pue ser más positiva: foi un
ésitu organizativu, la participación de xóvenes
nos diferentes actos supero les espectatives
previstes y afitóse el Día de la Mocedá
Revolucionario como una fecha de referencia y,
ensin dubia, como l’eventu más importante nel
calendariu pa la movilización de la mocedá
independentista y d’izquierdes al tiempu que se
conmemora la Revolución Asturiana de 1934.
Con esti DMR’07 Darréu afítóse asina como la
organización política xuvenil más importante
qu’hai n’Asturies por capacidá organizativa,
capacidá de movilización y capacidá d’incidencia
social y política. |
|
|
|
|
|
|
Indiz