|
|
La organización política xuvenil Darréu quier espresar una vegada más nel Día de les Lletres Asturianes la so esmolición pa cola situación de la llingua propia d'Asturies: l'asturianu. Nun fai falta acudir a estudios sociollingüísticos pa saber que'l futuru del idioma asturianu ye permuniu col proceder que se ta dando anguañu, con más de 30 años de discriminación, rebaxamientu social y represión escontra'l coleutivu astur-falante, un importante seutor del Pueblu Asturianu.
Dende Darréu atalantamos nesti Día de les Lletres que l'únicu futuru del asturianu ye la so Oficialidá y el más fondu respetu por esa declaración d'Oficialidá. Queremos recordar qu'hai unos años dellos conceyos d'Asturies declararon qu'oficializaben la nuesa llingua y l'Estáu Español baltió estes declaraciones. Los políticos d'Asturies siguen la so zuna pa col asturianu y van munchos pasos per detrás de la sociedá asturiana, ñegando sistemáticamente los drechos llingüísticos a los asturianos, cuando non reprimiéndolos pol fechu de reclamar esi drechu.
La urxente declaración d'Oficialidá tien de venir acompañada d'una Llei de Normalización Llingüística, qu'axuste esi modelu d'oficialidá completa y camude'l camín de desaniciu cultural y llingüísticu que se lleva dando na nación asturiana dende hai bien d'años por mor de los intereses del nacionalismu españolista estremista, que tien l'envís de desaniciar les identidaes nacionales presentes nel Estáu Español y crear un modelu cultural “español” homoxeneu y artifial al serviciu de los intereses del poder.
Asina pues, la militancia de Darréu va tar presente na manifestación pola oficialidá entamada pola Xunta Pola Defenda de la Llingua Asturiana, qu'entamará a les 19:30 hores d'esti vienres 4 de mayu y que saldrá de la Estación del Norte d'Uviéu. Dende la organización Darréu llamamos a la xente mozo a participar na convocatoria y reivindicar los nuesos drechos llingüísticos.
Agora ye'l momentu: ¡L'Asturianu llingua oficial!
|
|
La Organización de Mocedá Independentista Revolucionario Darréu, participó esti llunes na manifestación cellebrada en Xixón con motivu del 1u mayu, entamada polos sindicatos Corriente Sindical d’Izquierda, SUATEA y CGT. Darréu participó nesta movilización baxo una pancarta col llema: “La clas obrera tien más necesidá de respetu, que de pan”. ¡Mocedá faite respetar!, acompañada de banderes del país y banderes socialistes.
Dende Darréu llamamos a la mocedá a seguir lluchando y organizase polos sos drechos como asturianos y como trabayores, al marxe de sindicatos foriatos amariellos que namái quieren enriquecese a costa de la Pueblu Trabayador Asturianu, sobremanera de la mocedá. Aportó’l momentu nel que la xente mozo xunta ya organizada lluche por superar la situación predemocrática que carez Asturies y en defensa de los drechos que-y correspuenden como Pueblu.
Nesti añu ainda más si ye posible, la mocedá asturiano sigui viviendo una situación llaceriosa, ensin futuru dalgunu, condergada a la precariedá y la emigración forciada, amás les moces y mozos que lluchen en defensa de los sos drechos s’alcuentren rápidu cola represión. L'únicu camín posible ye’l de la llucha y l'autorganización del Pueblu Trabayador Asturianu de cara a conquistar tolos sos drechos sociales. Una llucha en defensa de los sos intereses coleutivos basada na defensa de los drechos nacionales d'Asturies, el socialismu y la solidaridá ente pueblos.
¡Puxa’l primeru mayu!
¡Puxa Asturies Llibre y Socialista!
|
|
El pasáu fin de semana una delegación de Darréu viaxó a la llocalidá castellana de Villalar de los Comuneros para cellebrar xunto a los y les compañeros y compañeres castellanes de Yesca’l so Día Nacional, asina comu pa participar nos diferentes actos entamaos y pa seguir afondando nes bones rellaciones internacionales colos diferentes coleutivos y muerganizaciones éllí presentes coles que mantién contautu y compartir asina, les lluches y rialidaes de los diferentes pueblos.
Dende Darréu queremos dar les gracies a las compañeros de Yesca ya Izquierda Castellana pola so invitación y poles esperiencies compartíes.
¡VIVA CASTILLA LIBRE! ¡PUXA ASTURIES DIXEBRÁ!
|
|
Otru primeru de mayu más, y otru añu más nel que les agresiones del capitalismu siguen golpiando al Pueblu Trabayador Asturianu. La situación de la mocedá d'esti país ye pergrave, con una emigración forciada, un paru xuvenil y una precariedá que medren de forma acelerada y que faen que'l futuru nesti estáu de les coses seya ca vuelta más escuru. La Educación Pública Asturiana ta entamando a ser desmantelada poles imposiciones del Gobiernu d'España de Rajoy, al igual que la sanidá. La llexislación tórnase entá más represiva y los drechos de la ciudadanía van desapaeciendo pasu ente pasu, amosando esti fechu la situación pre-democrática na que tábemos enantes y na que siguimos, pa pior. L'Estáu Español quita la mazcara y col tiempu va quedando n'evidencia, amosando que la supuesta “transición democrática” foi continuismu franquista reformáu.
La situación empiora, la crisis del capital golpía fuerte y la represión medra, pero nun debemos escaecer que la crisis ye un gran negociu y una escusa pa la burguesía española, yá tea asitiada en Madrí o n'Asturies, pa finar col anterior réxime de drechos y llibertáes, yá de por sí mui restrinxíu. Mentantu la mocedá nun ve futuru, los ricos siguen atropando multimillonarios beneficios, eso si, altravíes de la esplotación y la precariedá que sofre'l trabayador o la trabayadora.
La solución nun ye confiar nos analistes de salón y sofá que falen en términos neolliberales d'una posible solución, llamando al sacrificiu y a la paz social. El sistema capitalista tien estes crisis económiques de forma periódica y Asturies, que carez una crisis permanente dende los tiempos de la supuesta “reconversión”, sigue en manes de sucursalistes y llacayos del españolismu capitalista. Dende Darréu atalantamos que la solución a esta situación ye construyir una alternativa d'unidá popular, asturiana y revolucionaria, que puxe pola soberanía económica y política d'Asturies.
Asturies solo tien un camín pa salvase: caminar haza la conciencia nacional y la conciencia de clase. Les relaciones ente l'Estáu Español y el nuesu país son propies del colonialismu y la sumisión d'Asturies a esa ferramienta del capital que ye España ye total. Pa construyir una alternativa al capitalismu tenemos que lluchar pola soberanía nacional d'Asturies, solo asina podremos salir de les estructures del poder como la XE o la OTAN y construyir un sistema políticu y económicu basáu na xusticia social, na independencia, na democracia popular y na estabilidá económica y política.
¡Non a los retayos sociales! ¡Non a la privatización de la Educación! ¡Abaxu la Reforma Llaboral!
¡Puxa'l 1u de Mayu! ¡Puxa la clase trabayadora! ¡Puxa Asturies socialista y dixebrá!
Por otru llau dende Darréu queremos convidar a la sociedá asturiana a la espicha entamada xunto con Andecha Astur nel Llar l'Ayalga de Xixón sitiau na Cai Prendes Pando,asina como a la manifestación entamada pol sindicatu de clas asturianu CSI que saldrá de la Plaza L'humedal de Xixón a les 12:00 hores.
|
|
La organización de mocedá independentista Darréu tuvo presente al
traviés d’una delegación de militantes nos actos organizaos pola rede
Independentistak con motivu del Aberri Eguna –Día de la Patria Vasca-
n’Euskal Herría, énte un ambiente vindicativu y de calter popular
qu’enllenó les cais d'Iruñea.
Asina, la mocedá independentista asturiana tuvo presente nos diversos
actos organizaos, siendo’l principal la manifestación a favor de la
independencia d’Euskal Herría que cuntó col sofitu de les principales
fuercies polítiques del movimientu independentista vascu.
|
|
Na xornada d'ayeri, 29 de marzu, los y les militantes de la organización política de mocedá Darréu tuvimos sofitando la convocatoria de fuelga xeneral al llau del Pueblu Trabayador Asturianu pero ensín entrar nel xuegu posibilista y negociador de les grandes centrales sindicales CCOO-UGT.
Nesta xornada, desenrolló aiciones d'axitación y propaganda y entamó una dinámica d'aición reivindicativa na cai. Per otru llau participamos na manifestación convocada polos sindicatos de clas asturianos CSI, SUATEA y CGT na ciudá de Xixón, la cual espeyó qu'hai otra forma de plantar cara a la reforma llaboral, dende la coherencia, l'anticapitalismu y ensín lliberáos.
Tornamos a dicir qu'esta reforma llaboral ye una agresión direuta contra los drechos sociales y llaborales y dexa a la mocedá asturiano nuna situación inda pior a la que yá tien enriba. Recordar que'l paru xuvenil, la precariedá llabora y la emigración forciada son realidáes mui presentes n'Asturies de güei y qu'estes midíes solo valen pa empeorar la situación y salvar la riqueza y los porgüeyos d'unos pocos
Asina, llamamos a los mozos y moces del país a siguir cola llucha, contribuyendo cola movilización constante a la conformación d'una fuercia política y social que seya capaz d'aparar estes imposiciones españoles y neolliberales nel nuesu país y construyir n'Asturies una alternativa al capitalismu y l'españolismu qu'imponen les estructures del poder vixente.
¡La llucha ye l'únicu camín! ¡Mocedá llucha pol to futuru!
Pol autodetermín, la sobernía nacional d'Asturies y el socialismu: ¡Abaxu'l capitalismu!
- Darréu énte la Fuelga Xeneral del 29 de Marzu
- Posicionamientu de Darréu énte'l 8 de marzu, Día de la Muyer Trabayadora.
- Entama la resistencia
- Nun ye una crisis,ye una estafa
- Sigue medrando la emigración forciada ente los asturianos y asturianes.
- Seis asociaciones reivindicamos de forma conxunta'l papel de les seleiciones deportives asturianes
Login Form
Semeyes Darréu
Convocatories
Andecha Info
República Asturiana
Articulos populares
- Darréu tuvo de forma crítica nel manifestamientu de Llangréu escontra'l desmantelamientu de les cuenques
- Intervención de Paloma García nel XIII Día d'Andecha
- Darréu desendolcó una aición pol boicot a Israel y H&M.
- Comunicáu urxente - Nueu casu d'acosu a la mocedá combativa: anulación del Conciertu
- Cientos de mozos y moces participaron nos actos del Día de la Mocedá Revolucionario
